Gênesis 43:14 - Bíblia

¹⁴ Hoyakalu Tsru Himukatatshri henekanhi hetwamonrewlu wale jeji hojiya, hsatkajyawakaplu hixa mole satu hiyrunu ritshixyawakaplu Benjamim hsatkapyawakapa. Seyni hita, namtakawhenexinipa mwuhenetpatkano.

Gênesis 43:14 ပူးပေါင်းရင်းမြစ်များ

Gênesis 17:1

Noventa e nove mhale rixinixka Abrão, Tsru Hixikatshriwa Hoyakalu hakanhayehitlu waneya wane htshinru: — Hita Ptowru Himukata Kamhaletatshrino Hoyakalno; Hitayma pyanu potuka hchinikanupyi.

Gênesis 22:14

Hiyáhoni Abraão henekachalu yoxikkaluru yehi hiwakata Tsru Hixikatshriwa Hoyakalu hikchikanru mahatatshri htshinru. Haté xawakni wane htshinka: “Tsru Hixikatshriwa Hoyakalu himriji hoho mahatatshri hikchijyawak-mitshi.”

Gênesis 28:3

Hoyakalu Ptowru Potuko Himukatatshri hepixanyi, rixoletanyi, hixolunepyi, hixo nerunepa rixkakanyi.

Gênesis 35:11

Waneya Hoyakalu wla tshinatkalu: “Hitni Hoyakalu Ptowru Himukatatshrino. Pwuhenewatanu, hixolunepyi. Satu nerupyi satu nerkaka xkehipyi hiyrun-koxa phurune hichpajinri pixkehi.

Gênesis 39:21

Seyni Tsru Hixikatshriwa Hoyakalu José-ymalu hiyáhoni kihleru reta hiyrun-koxa preso hinotatshri hetwamonutatkalu.

Gênesis 42:24

Waneya José hiprotakatka ratjini sreta hyihatatka waneya htshiyahatatka. Waneya wanna sreta ruprotakatnaka riynumatatkana waneya himolna Simeão tshinkaluru hnuretatka. Wanna hetanuko rostukjixatkalu.

Gênesis 42:36

Waneya rurna Jacó wla tshinna: — Hita hamtakawhenkaka. José-ni hamhanatka, Simeão-ni koxa hamtajyatkano hiyrun-koxa xawakni Benjamim haluka hanikletatnaka. Xyekaka ptowruka kamnitno.

Gênesis 43:13

Hixa mole hepurtshi koxa hanikanu, hchiretanu, hsatkapanwakatanru jeji.

Gênesis 44:12

Waneya tsrujru sac-ne ruchpajyatka rujhiywakaplu haté hepurtshi potu sac-ne. Waneya hirapi stono Benjamim sac-ne rukchijyatka.

Lucas 1:50

Retwamonre rekhitna yine hkahwakpiratjene pejnu hiwekakanatatshine haté xawakni pnut-hohne hiwekatshinepa.

João 19:22

Seyni Pilatos wla tshina: — Nyonakjixlerutka hyonatkatka.

Atos 21:14

Hiyáhoni hi wumukata tshipetletlu wale tshinanu wutuk-kojiretletlu waneya wane wtshinru: — Hoyakalu halujyawaka rixkotka.

Atos 7:10

Hiyáhoni Hoyakalu kochpaklu José hsalewnale psoluka. Hiyrun-koxa José Faraó hoji sreta rapojini Hoyakalu wan-hixkaklu José Faraó poyikowaxyawaka hiyrunu Hoyakalu heneklu José kahchinikanu rixyawaka. Hiyáhoni Faraó hitaklu José Egito tshijne htowuxyawaka hiyrun-koxa phurupji ruslahyawaka.

1 Timóteo 1:16

Hiyáhoni wale tshinanu netwamonutka. Netwamonutka klu tshinanu Cristo Jesus halukhekhiretlu ptowruka hmachiretannu hitayma. Waleni hiphujetatshri hinamtatshinepa Cristo Jesus halixatshinepa hiweklu hike rixiniko mnikawnakatupa yoptotatshinepa tshinanu.

1 Timóteo 1:2

Timóteo tshinanupa, noturu halikak-potukananni palixle tshinanu. Hamotkalurupyi, hepixkalurupyi Hoyakaluya, hetwamonutkalurupyi, hike pikatshripyi Hirtshi Hoyakaluya hiyrunu Tsru Hixikatshriwa Cristo Jesus-ya.

Tito 1:4

Tito tshinkaluru, noturu pixkalutu potuko halixlu tshinanu, pixa tshinanupni twu yonawahlo. Hepixkalurupyi Hoyakaluya, hetwamonutkalurupyi, hike pikatshripyi Hirtshi Hoyakaluya hiyrunu Tsru Hixikatshriwa Jesus Cristo-ya, Wiwekkakjeru.

2 João 1:3

Hoyakalu hepixle hixaymalutu, retwamonrewle hiyrunu hapnanuhchinikanru Wuru Hoyakalu hichpajikatshri hiyrunu Jesus Cristo Wuru Whene yehi hichpajikatshri, halikakalutu piranaya, hamotlewluya.