Gênesis 43:12 - Bíblia

¹² Tiyiro koxa hwinro pnute hepi kata hanikanu hiyrunu tiyiro saco hwakanatatshro hsatkakanu pa katako hyokwijexnawana.

Gênesis 43:12 ပူးပေါင်းရင်းမြစ်များ

Gênesis 42:25

Waneya José h-saco-nena htsepotakjixlu chiji hiyrun-koxa htowutna satkaka yineru saco-te rutajyawakapluna htiyirotna. Htowutna hitaphalna renejikowakapna hnikamtanrupna. Waneya wane potuko rixkana.

Gênesis 42:35

Waneya ripkakamxiniklunruna h-saco-nena satkaka wanna hikchiklu htiyirotna poyitkaluru h-saco-neyna. Waneya htiyirotna poyitkaluru rexinixkana wanna hiyrun-koxa rurna rexinixkalu hpikna.

Gênesis 43:13

Hixa mole hepurtshi koxa hanikanu, hchiretanu, hsatkapanwakatanru jeji.

Gênesis 43:21

Seyni wipji nwaka wyamxinixka wutukyetshnoxyawaka wkotpuka-saco-nexya satkakwu hixa wukchiklu wtiyirote psoluka saco hrukoya. Wale tshinanukni wanikamtatkalu wsatkajyawakaplu.

Gênesis 43:22

Hiyrun-koxa pimri tiyiro wimapokatka honantshi wanjixyawakapa. Hi wimata katukta hitakatkalu wtiyirote w-saco-ne hruko.

Romanos 12:17

Satu yineru yotnexinhi hi hapnutanru wale. Hijhalu kihleru hkamhiywaka ptowru yineru hetanuya.

Romanos 13:8

Hike yineru h-deve-tanu tiyiroya seyni deve-tatshinephi hamotkakleya. Katukta hamotlu rimwastsireru romkahitlu Moisés yonreru pirana psoluka.

2 Coríntios 8:21

Klu tshinanu waluka kamhaletlu kihleru hi Wutsrukate Hoyakalu hetanu tsonu seyni ptowru yine hetan-koxa.

Filipenses 4:8

Hiyahokni nmoletanune Cristo tshinanu hanurni halikakalutu, hanurni kahwakpiratkaluru, hanurni wane potuko hixatshri, hanurni powralu, hanurni kihleru, hanurni kihle piranyehimenu, wan-rixini kihleru, himalwutkalurni, xye pirankaka hichinikanretatshri.

1 Tessalonicenses 4:6

Hiyáhoni jeji suxoyma pirana wkochtshekleru tshinanu, hi xako himtukanru hmoletanru Cristo tshinanu klu pirana tshinanuktako. Klu tshinanu Tsru Hixikatshriwa Hoyakalu hapnokatanna xyekaka kamhatshinepa. Wtshinyawakatkahi mitshi, xawakni wane pnute wixa hiykoletatkahi.

1 Tessalonicenses 5:21

Hyahotanru ptowru hinkaklewlu. Kihle piranalu himrexinwa.

Hebreus 13:8

Jesus Cristo rixhohnekanaxyawakni hiknohatshri hohneni, xawakni hohne hiyrunu hinatshri hohnepa mnikawnakatupa.