1 Natshi pnute yamta psoluchaka.
Waneya tsru natshi wale tshijne hakanhiya; hiyáhoni Abrão Egito tshijne nwaka hya wane rawyawakapa klu tshinanu tsru natshi potuko hakanha wale htshijneya.
Waneya Tsru Hixikatshriwa Hoyakalu wan-tshinru Abraão: — Haklu tshinanhe tutsolhiwatatka Sara wane ttshina: Halikakpaklahe kowhenepno ntsrotsolejikno?
Natshi Abraão klu papko hakanhatshri pixka rixa hakanhaletatnaklu tsru natshi wale tshijneya. Hiyáhoni Isaque yanwakatlu Abimeleque, filisteu-nerune pohire Gerar tshinikowaka nwaka hya.
Hiyáhoni Israel whenene pimrine honantshi hanjitapatshineymana hyana klu tshinanu Canaã tshijne rawatka natshi tsru potuko.
Rali niklexinixkana Jacó hiwhenene koxa honantshi Egito tshijne rawapinrina waneya wla htshinna tsru: — Wanetshi hsatkapanu psoji hanjitanu hixa wniklerupa.
Hiyrun-koxa wla htshinruna phuru Faraó: — Wkata wuna hewi tshijne wiywakapa. Klu tshinanu peklo hi hwa wiprane tshinanupa klu tshinanu hmixkowata natshi Canaã tshijneya. Hiyáhoni xawakni wanjityi pitshitanwu Gósen tshinikowaka wwiywakapa.
