Gênesis 42:24 - Bíblia

²⁴ Waneya José hiprotakatka ratjini sreta hyihatatka waneya htshiyahatatka. Waneya wanna sreta ruprotakatnaka riynumatatkana waneya himolna Simeão tshinkaluru hnuretatka. Wanna hetanuko rostukjixatkalu.

Gênesis 42:24 ပူးပေါင်းရင်းမြစ်များ

Gênesis 34:25

Waneya map-hohne rixinritka katshinokowalu hichrena Diná molene tsrujrune Simeão, Levi tshinkalune hwaplu hyohlolewaprena. Waneya hike mtshinamtkaneko hjihlokapoktshitna waneya ruylatatkana jejine ptowrunnika.

Gênesis 42:23

José hiynumaxinna tokantshi yokakatshriyma tsonu riynumaxyana. Hiyáhoni hi rimatatkana José himatjematkalu htokanna.

Gênesis 43:14

Hoyakalu Tsru Himukatatshri henekanhi hetwamonrewlu wale jeji hojiya, hsatkajyawakaplu hixa mole satu hiyrunu ritshixyawakaplu Benjamim hsatkapyawakapa. Seyni hita, namtakawhenexinipa mwuhenetpatkano.

Gênesis 43:23

Waneya wale wla tshinna: — Seyni kihle hchinikanuphi hi hpikanu. Hixa Hoyakalute, hiru Hoyakaluteko pohirewnalu renekatkahi h-saco-ne rutajyahi klu tshinanu hita yoptotlu hixa tiyirote hwenuxyano. Waneya Simeão hkochpaka wanna nwaka raniklu.

Gênesis 43:30

Waneya José repuru wamontakle tshinanu rujhatkalu htshiyahaxyawakapa hiyáhoni hchiretatka wanna hetanu rasujyawakapa. Hiyáhoni waleko hruklu hjihlokatka waneya waneko htshiyahaxyatka.

Gênesis 45:1

Waneya José hi rakota wamonnutatka htowrene hetanu hiyáhoni hsaplewatatka: — Hichpajinixkano ptowruneka hita hojiya. Hiyáhoni hike José yehi hitukatka ruphujexnawa rimathetatkaluna himolene.

Gênesis 45:2

Waneya tsru tshiyahlu rixatka José. Egito-nerune yijnakotlu haté Faraó-pji hajene koxa yijnakotlu htshiyahaxyawaka.

Lucas 19:41

Waneya Jerusalém poktshistsi rapojinixka Jesus, rexinixkalu htshiyahata wale poktshi tshinanu.

Romanos 12:15

Himuwatanu himuwatatshriyma. Hwamonuwatanu tshiyahatatshineyma.

1 Coríntios 12:26

Satupka wimane psojite salewninipa, ptowruko wimane psojitkaka waleyma salewnanu. Satu wimane psojite himalwutkoklunu ptowruko wimane psojitkaka waleyma rumuwatatkana.

Hebreus 4:15

W-sacerdote-te, Tsru Sacerdote potuko himata hetwamonutwu wuhroklekaka tshinanu, klu tshinanu wale koxa yohnitkatka hixa yohnijexikolu pixka, seyni wale hikeklu hektuwatatka.