Gênesis 42:22 - Bíblia

²² Waneya Rúben yanumatatka wla htshinatkana: — Hi he hitamka hiykotatkahi mitshi hektuntshi hma mkamhiywakanuplu mturu? Seyni hixa hi kajnakotkahi mitshi. Hiyáhoni xawakni wwenutanru waleni hraha.

Gênesis 42:22 ပူးပေါင်းရင်းမြစ်များ

Gênesis 4:10

Waneya wane htshina Hoyakalu: — Klunerhe pkamhanatka? Pepurni hraha saplewyehitno tshijiya yineru saplewle pixka rixa.

Gênesis 42:23

José hiynumaxinna tokantshi yokakatshriyma tsonu riynumaxyana. Hiyáhoni hi rimatatkana José himatjematkalu htokanna.

Gênesis 45:3

Waneya José wan-tshinna himolene: — Hitni José-no! Riwekawhe nuru? Seyni himolene hi himukata hihretlu klu tshinanu hpikpotutluna José klu tshinanu hihoji sreta rawakanatna.

Gênesis 50:15

Waneya José molene hexinixkalu rurnina hipniywakatka wla htshinatkana: — Xawakni pa katako José hahnanutanwu, wale hetko hapnutanwu hektutu ptowruka wkamhiywaklu tshinanu.

Lucas 23:41

Seyni hix-hepwu halikaka wane potuko wixka. Klu tshinanu wkamrure hapnute pixkalutu potuko wyoptota. Seyni xye hike hektutu hkamha.

Atos 28:4

Waneya wane hwatshine hexinixkalu himnu Paulo-myo rachtshekayhixyawaka wane htshinna wannakakluko: — Jiylalewakleru hetkoni xye jeji. Seyni hi rupna mar powhaya seyni hapnokatatshri hi haluk-hiwekkakletlu wanepnawaka.

Romanos 2:15

Wan-hixatshinekni hekhitlu wan-rixna yáholu Moisés yonrerumka hi rimwana seyni rajiyna hiyrunu hihchinikanuyna rawa wale yonreru pixkalut-potuko. Hiyáhoni rimat-hichinikanuwatna ho kihlerahe hkamhana ho hike.

Apocalipse 13:10

Kachitkalunepa, kachitkalurunepni. Yine nuretkalune hiylatkalunepa pejnu halikaka ruylatkona. Hiyáhoni Hoyakalu nurrene ralixjene haluklu rakotachaxyawakna hiyrunu ralixachaxyawakna.

Apocalipse 16:9

Ralhakakanna yine tsru hameruyma. Waneya yine hektutu htshinanwakatluna Hoyakalu xye salewaktshikaka towutatshri. Seyni hi rehchinikanutna yinepni, hi rimalwutluna Hoyakalu royaknu tshinanu.