Gênesis 42:13 - Bíblia

¹³ Seyni wanna hihitlu José: — Ptowrerunwu hixa. Hixa doze moletkakatshinwu jejine, satupka jeji whenenwu, Canaã hajerni. Hepurtshi hituka wuruyma hiyrunu satni hamhanatka.

Gênesis 42:13 ပူးပေါင်းရင်းမြစ်များ

Gênesis 37:30

Waneya hyanwakatna himolene waneya wla htshina: — Mturu honra hi wanetka. Ha hita xawakni hanhe nutukanutka?

Gênesis 42:11

Hixa ptowrunekwu satupka jeji whenenwu. Hixa ptowutjenwu jejinwu mayloklenwu hi jimaxikoklerunwu.

Gênesis 42:12

Seyni José wla htshinna: — Hike seyni wkata hina hexyawakaplu hanu sreta hi wuslahyalu tshiji.

Gênesis 42:14

Waneya José wla tshinna: — Hi he wane potuko ntshinatkahi, hixa jimaxikoklerunhi.

Gênesis 42:32

Hixa doze moletkakatshinwu jejine, satupka jeji whenenwu, Canaã tshijne hajerni. Hepurtshi hituka wuruyma hiyrunu satni hamhanatka.

Gênesis 42:36

Waneya rurna Jacó wla tshinna: — Hita hamtakawhenkaka. José-ni hamhanatka, Simeão-ni koxa hamtajyatkano hiyrun-koxa xawakni Benjamim haluka hanikletatnaka. Xyekaka ptowruka kamnitno.

Gênesis 42:38

Waneya wla htshinru: — Noturu hi hixaymaplu klu tshinanu himoleni hipnatka hiyáhoni walepkani. Rahijewninipa hatnu hapoya klatajiwuruknotshi hipuktshi nwaka yanu tsru wamontshiyma.

Gênesis 43:29

Waneya hyotunotatka repuru Benjamim, runroni whene retatka, waneya wla htshinatka: — Xyeklahe hixa mole hepurtshi hinkaklexyano mitshi? Waneya pnuteko wla htshinru repuru: — Hoyakalu hetwamonutanyi noturu.

Gênesis 43:7

Waneya ruhitluna wla htshinna: — Jeji honra hepomhayehitwu hiyrun-koxa wimolene pirana repomhayehitatka wla htshinwu: “Riwekawhe puru? Kamolhihe satu?” Hiyáhoni repomhale wuhichatatka hanu xawakhe wumukata himatletlu wimole raluka haniklekjixyawaka?

Gênesis 44:20

Waneya wunkakatkayi pixa nutsrukate, wla wtshinatkayi, “Jirwu, seyni tsrutsolejni hiyrun-koxa Kwuhenru, rutsruhinixka hiwhene hi tsruwalu. Himolni hipnanatka hiyáhoni runroni matkaklu walepkatkani hiyahokni ruru hamotlu.”

Gênesis 44:28

Satu wanna hit-yehi hamhiyatka, nijewlu hetko kopalhitutanatkalu, ntshinatka. Waneklu kananuko haté xawakni hi netanatkalu.

Gênesis 45:26

Waneya wane htshinruna rurna: — José hiwekawa! Haté Egito tshijne psoluka towutatshrini. Waneya rimyekhajita Jacó. Hi ralixatkana.

Mateus 2:16

Waneya rexinixkalu Herodes hyokwijetatkaluna jejine jimatkalerune, hjihekanuwpotutatka Herodes. Waneya ruylajixanna mturunni jejinni ptowrunnika, hepi mhaleruni ruylajixa haté hepi mhale kayaholunniko ruylajixa. Belém poktshi hajenni hiyrun-koxa wanestsi hajene ruylajixa. Xye hkamhatka Herodes katahiri hakanhapiranyehixini klu papko jimatkalerune hinkajyatkalu pirana tshinanu.

Mateus 2:18

“Ramá poktshi hjemiko tsru hima, tsru tshiyahlu jemiko, tsru wamonutshi. Raquel tshiyahamtanu twuhenene pohwaka tshinanu. Hike himukata hitshrokkakletanro klu tshinanu hnikawnanatkana twuhenenni.”