Gênesis 41:52 - Bíblia

⁵² Hiwhene hepi rixinri Efraim rutakhiwakatlu. Xye hiwaka rutaklu klu tshinanu wla htshinanwakatlu Hoyakalu: “Hoyakalu tserutkakatkano nsalewniywaka tshijneyako.”

Gênesis 41:52 ပူးပေါင်းရင်းမြစ်များ

Gênesis 17:6

Nkamhanyi pixolewniywakapa, pix-yehi ruchpajinna hixonerune hiyrunu pix-yehi ruchpajinna phurune.

Gênesis 28:3

Hoyakalu Ptowru Potuko Himukatatshri hepixanyi, rixoletanyi, hixolunepyi, hixo nerunepa rixkakanyi.

Gênesis 41:51

Mitshikananu matutatshri José hiwakatlu Manassés. Wane htshinru klu tshinanu wla htshinanwakatlu Hoyakalu: “Hoyakalu nsalewnale ruknojyano nma mchinikanrexyawakanuplu hiyrun-koxa nurupji hajene ptowruneka repixno nma muchinijyawakanna.”

Gênesis 41:53

Waneya hixpotuko honantshi klu papko sete mhal-pejnu Egito tshijneya nikawnatka.

Gênesis 48:1

Waneya hi hix-hohnewani runkakka José, wla htshinka: — Puru hima yeyixa. Hiyáhoni hyanwakatlu retapyawakaplu. Hiwhenene jejine hepi ranikatka Manassés tshinkaluru hiyrun-koxa Efraim tshinkaluru.

Gênesis 48:14

Waneya Israel hyosurukamyotatka. Seyni himyo potukle Efraim jiwu hoho rutaka, pasta sreta myo Manassés jiwu hoho rutaklu. Manassés-mka whentshi tsrujru seyni Israel hipekomyotatka.

Gênesis 48:5

Hiyáhoni xawakni piwhenene jejine hepi pmatkaklene Egito tshijneya pix-yehi nmapokkanuklunuwa Egito tshijneya wanna hitanni Rúben hiyrun-koxa Simeão nimwiywaka pixka rixna.

Gênesis 49:22

José hahmuna kwakleru pixkalutupni. Hahmuna hakophastsi hitakkaluru pixkalutupni. Hiplukaka cerca pa sreta rontapluxini.

Gênesis 50:23

Efraim whenene whenene retatka José. Hiyrun-koxa Manassés whene Maquir tshinkaluru whenene hyoptota hatatjewa wale wheneneko rixyawakna.

Atos 7:10

Hiyáhoni Hoyakalu kochpaklu José hsalewnale psoluka. Hiyrun-koxa José Faraó hoji sreta rapojini Hoyakalu wan-hixkaklu José Faraó poyikowaxyawaka hiyrunu Hoyakalu heneklu José kahchinikanu rixyawaka. Hiyáhoni Faraó hitaklu José Egito tshijne htowuxyawaka hiyrun-koxa phurupji ruslahyawaka.