Gênesis 41:43 - Bíblia

⁴³ Hiyrun-koxa Faraó José hpokownakjixlo carro-ne hapkatatatshro hyapyawaka waneya hkosekamtna saplewatatshine wla tshinatshine: “José sta sreta hasujinixka,” — htshinatkana. Waneya phuru Faraó wane rix-hitakletlu José Egito tshijne psoluka htowuxyawaka.

Gênesis 41:43 ပူးပေါင်းရင်းမြစ်များ

Gênesis 41:42

Waneya phuru Faraó kochpaklu rumyojre h-marca-pre waneya José-myoji hyochmaklo. Remkakakatkalu kihleru mkatshrimta kamhikolu hmakatatka hiyrun-koxa satu najtshitsa ouro kamhikolu hinoji rostuta.

Gênesis 41:44

Waneya Faraó wla tshinru José: — Hita ppohirno Faraó seyni pixa ptokanu mmunanhakatu hi satukna yineru Egito tshijne psoluka hajene himukata yotuklemyota hi hijixiko pma mitshitkanuklunuplu, hike rumukata kamhaletanna hma munhaknuklunupyina.

Gênesis 42:30

Wla htshinruna: — Jeji, wale tshijne towutatshri yanhakwu. Hixa jimaxikoklerunwu hkahwakwu hiyáhoni wane hima wyatka wexyawakaplu hanu sreta hi ruslahyana.

Gênesis 42:33

Waneya jeji wale tshijne towutatshri wla tshinwu: — Rimaxikowaka hixa tokanu ho halikaklahe htshina satu himole hiknokamtanu hewi hitayma hixa pimrinhi honantshi hanikanu hixapjikaka hajene tshinanupa, wane hixatshinhi yanutka.

Gênesis 42:6

José Egito tshijne hajene towutatshri hiyáhoni walekni honantshi hichanjiyna ptowru tshijne hajeneka. Waneya José molene hapoka, hyoptsojityehitluna hihojna tshiji rutspakna.

Gênesis 45:26

Waneya wane htshinruna rurna: — José hiwekawa! Haté Egito tshijne psoluka towutatshrini. Waneya rimyekhajita Jacó. Hi ralixatkana.

Gênesis 45:8

Hiyáhoni hi hixa hewi yokanatno seyni Hoyakalu yokanatno wkata haté Faraó hiru pixka nixa hiyrun-koxa Faraó-pji psoluka ntowuxyawaka Egito tshijne koxa psoluka ntowuta.

Gênesis 50:18

Waneya himolene potuko yanwakatlu hyoptsojityehitluna tshiji rutspakhojitatkana waneya wla htshinruna: — Hetanu pixa towrerunekwu hixa.

Gênesis 50:9

Hiyrun-koxa carro-ne cavalo kosleru waleyma wane yatka hiyrun-koxa yine cavalo yapatshine himotsatlu. Hiyáhoni rimotsatjene hixolune potuko.

Atos 7:10

Hiyáhoni Hoyakalu kochpaklu José hsalewnale psoluka. Hiyrun-koxa José Faraó hoji sreta rapojini Hoyakalu wan-hixkaklu José Faraó poyikowaxyawaka hiyrunu Hoyakalu heneklu José kahchinikanu rixyawaka. Hiyáhoni Faraó hitaklu José Egito tshijne htowuxyawaka hiyrun-koxa phurupji ruslahyawaka.

Filipenses 2:10

Hiyáhoni Jesus hiwaka tshinanu ptowruneko himathet-hitsrukateta waneya hyoptsojityehitluna, tenhohne hajenkaka, xye tshiji hajenkaka, tshij-hitok-hajenkaka koxa.