Gênesis 4:26 - Bíblia

²⁶ Sete tshinkaluru koxa wuhenewata jejni. Hhiwakatlu Enos. Waneya waneklukawa yine yinuwaka hanjihohneyehretlu Tsru Hixikatshriwa Hoyakalu hiwakaya.

Gênesis 4:26 ပူးပေါင်းရင်းမြစ်များ

Gênesis 12:8

Waneya wane riknohamta hipjitkaka yehi hyamta Betel tshinikowaka tkatshi hichpajyawaka sreta nwaka. Waneya wane rutakapjita nikalumta kamhikolu pji. Betel tshinikowaka tkatshi himxijyawaka sreta Ai tshinikowaka tkatshi hichpajyawaka sreta hanikajite hpanawaxya. Waneya wane altar hkamhiya Tsru Hixikatshriwa Hoyakalu rimalwuxyawaka tshinanu.

Gênesis 26:25

Waneya wane altar hkamhiyatka. Waneya Tsru Hixikatshriwa Hoyakalu ranjinwakata. Waneko rutakapjitatka. Waneya waneko hakopha hjitotjixyatnakna Isaque htowrerune.

Lucas 3:38

Cainã hirutlu Enos, Enos hirutlu Sete, Sete hirutlu Adão, Adão Hoyakalu whenni.

Atos 11:26

Waneya rukchiklu Saulo waneya ranikatkalu Saulo Antioquia poktshi nwaka. Waneya satu mhale psoluka wane rawna rapatjejetna Cristo halixatshine hapatjetatshineyma. Rasrukna hixolune yine. Jesus homkahitatshine yinuwaka hiphujewnahiwakleta halixatshine htshinikowakna Antioquia poktshiya.

Atos 2:21

Waneya katukta hanjitanru Tsru Hixikatshriwa hepixyawaklu riwekkakko.”

Romanos 10:13

Wane htshina yonatkaluru: “Katukta hanjitlu Tsru Hixikatshriwa Hoyakalu riwekkakko.”

1 Coríntios 1:2

nyonatlo twu yonawahlo hixa Hoyakalu homkahitatshine hapatjetatshinhi, Corinto poktshi hajenhi nwaka. Hixa ptowrunekhi Cristo-ymalunhi hixa halixle tshinanu, Hoyakalu kotspalatanune nuretkalunhi. Hiyrun-koxa twu yonawahlo yonatka pimrine ptowruneka psoluchako hapatjexikatshine Wutsrukate Jesus Cristo hapohchinikanutatshine tshinanu. Jesus Cristo wanna Hitsrukatni hiyrun-koxa hixa Corinto poktshi hajenhi Hitsrukatni.