Gênesis 4:2 - Bíblia

² Waneya wane pnute twuhenetlu repuru Abel. Abel carneiro kkammaneklerni seyni Caim susanatewaklerni.

Gênesis 4:2 ပူးပေါင်းရင်းမြစ်များ

Gênesis 3:23

Wale tshinanu Tsru Hixikatshriwa Hoyakalu hiknokatkalu jeji hitaklu hwiywaka Éden tshinikowaka hma wiywakanpatka hiyáhoni hkamhikoluko tshiji hjitota Adão rutaklewaxyawakapa.

Gênesis 37:13

Waneya Israel hepomhalu José, wla htshinru: — Hi he Siquém tshinikowaka pratshine rinotjexyana pimolene? Punanu, pixa nyokanatanu pimolene nwaka. Waneya José wla tshinru: — Hawu.

Gênesis 4:1

Jeji himumkatkalo hhanunro Eva. Hiyáhoni tmichiwata, twuhenewatatka. Caim twuheneta. Waneya wane ttshina: — Jejikta nyoptota Hoyakalu tshinanu.

Gênesis 4:3

Hiyáhoni wane pnute hix-hohne hiknohatka Caim rutakle tshiji hichpajikatshri hanikanwakatlu Hoyakalu, renekachaxyawakaplu Hoyakalu.

Gênesis 47:3

Waneya phuru Faraó hepomhatkana, wla htshinatkana: — Klunernihe hkamrure? Waneya ruhitluna, wla htshinruna phuru Faraó: — Hixa pratshine suslahaklerunwu. Hixa wane wixa kamrureta wutsrukatenni kananuko haté xawakni.

Gênesis 9:20

Noé jitaklewakleru hiyáhoni hsana hkamha. Rutaklo uva.

Lucas 11:50

Hiyáhoni xawakni nyi himiwekkakhohnekanatatshine hapnokatko ptowruneka Hoyakalu tokanu hinkakletatshinni, hiylatkalunni tshinanu. Wanna hiylajetkalunni xye tshijne yinuwaklekananuko haté xawakni.

Lucas 11:51

Abel-ni hiylaxikolu klu haté Zacarias tshinkalurni klu papko Zacarias honira Hoyakalupji altar yehi hwatshri altar hanikajiteswa ruylaxikana. Hehe, halikakni nyi himiwekkakhohnekanatatshine rapnokatkona xyekaka hiylalewlu tshinanupa.

João 8:44

Hixa hirni, Tsru Kamtshi, hichpajikatshinhi. Hiyrunu hiru hikchikhihlenreru hektutu hkamhanu. Waleni jiylalewakleru hyinuwaklekananukawa. Halikakalutu pirana mimwakatni wale. Klu tshinanu hikeklu rimwatkalu halikakalutu pirana. Hweyawaxini, waleko hihchinikanu tshinanu wan-rixa. Klu tshinanu kayloklerni wale hiyrun-koxa ruyakotlu weyawlu.

1 João 3:10

Wane wixa himathetletanna Hoyakalu whenene, kamtshi whenen-koxa: Ptowru yineru potuknutshi mkamhakatu, ho Cristo tshinanu hmoletanru hma muchinikkanuklunru katuktako, wale hi Hoyakalu matkaklerni wale.

1 João 3:12

Hi Caim pixka wixanu, wale kamtshineru hiyáhoni repuru Abel-ni ruylatatka. Haklu tshinanhe ruylatlu? Klu tshinanu waleko hkamrure hektun-tshinanni hiyrunu himolni kihle kamrure rixle tshinanu.

1 João 3:15

Katukta hahnanutjetlu himole, wale jiylalewaklerni. Hiyrunu hixa himata, jiylalewakleru hi rawya hiweklu mnikawnakatupa.