Gênesis 39:9 - Bíblia

⁹ Hikeni wane pnute tsru hitakkaluru, hita tsonu hewi pantshiya. Ntowutjeru hike htshipexyano hewiya seyni pixa tsonu htshipexyano klu tshinanu pixa hhanunroyi. Hiyáhoni hanhe nixyawaka wane pa himtukalutu nkamhanu nektuwatanu Hoyakalu yehiya?

Gênesis 39:9 ပူးပေါင်းရင်းမြစ်များ

Gênesis 13:13

Hetanu Sodoma hwatshine jejine hektutu kkamhaklerune Tsru Hixikatshriwa Hoyakalu hetanuya.

Gênesis 20:3

Seyni Hoyakalu yanwakatlu Abimeleque rupnawleya waneya wla htshinru: — Pixa halikaka hipnatshripyi klu tshinanu suxo pwapjixlero wala honukla khanururo.

Gênesis 20:6

Waneya Hoyakalu wla tshinru rupnawleya: — Hehe nimatlu pixa halikaka xye pkamha hike mixkatuyi. Seyni hit-honra himaletatkayi hektutu pma kamhiywakanupa hit-yehiya. Wale tshinanu nimaletatkayi pma yotnejyawakaplo.

Gênesis 20:9

Waneya Abimeleque hepukatkalu Abraão. Waneya wla htshinatkalu: — Kluhe pixannatkawu? Klunernihe numtuknu pixanwaka hapokatshri wane pa hektunu pakanhakakyehixyawakno hita, ntshijne koxa hakanhayehitatshri? Hike yineru mixlewaxyawakanu pixatkano.

Gênesis 24:2

Waneya Abraão hiynumatatkalu htowreru mitshikawluru rimwaleru ptowruka towutatshri wla htshinru: — Pimyo noskota pyochmakanu. (Wane rixakanatna mitshkawlunni pa pirana renejinpatka klu tshinanu Abraão hipnakastsitkani.)

Gênesis 39:10

Yáholu tiynumsajetlu José ptowru hohneruka seyni hi hkatshpeklo, hi koxa walastsi rutuka.

Gênesis 41:40

Nopjitshi ptowutapanu hiyáhoni nayinetene ptowruneka yijnakotanru ptokanu. Seyni npohirewaxinri tsonu pixa yohnikayapno hita.

Gênesis 42:18

Waneya map-hohne rixinri José wla tshinna: — Xye hkamhanu, hiwekanu klu tshinanu Hoyakalu kahwakpiratatshrino hita.

Lucas 12:48

Seyni towrertshi, htowutjeru halukanru mimatkatu, hpupjexini pa hixanuya, rujhalu rapnokaxikowakapa seyni psotsonu hkotshipjexiko. Klu tshinanu katukta hixo henekka, hixo koxa rujhiko. Hiyrun-koxa hixo hitajikaluru, hixo ranjitko.

1 Coríntios 4:2

Xye pirana hislahatshine rujhaluna Royakalutna halujyawaka kamhatshine potuko rixyawakna.

Tito 2:10

Htowutjene hejnunkate hi rumutukanna towretshine seyni ptowruka tshinanu himnanhikalunepni rimathexikowakapna. Wan-hixatshinepa Hoyakalu Wiwekkakjeru hasrujikolu pirana hepixatshine rixyawakapna ptowru potuyako.

Hebreus 13:4

Ptowruneka hetanu hnunrowlu kihleruni, meyikotni. Hi hma hnunrotanuto, hi hma hnurutanutu hapokletanu. Klu tshinanu hektutu kamhatshine hiyrunu hapoklewatatshine rukolujinwana Hoyakalu hetanu.

1 João 3:9

Ptowru Hoyakalu matkakleru hi hektuwaka hkamhajeta klu tshinanu Hiwejikaluru Potukalu rawya. Hiyáhoni hi rumukata majnakowleta klu tshinanu Hoyakalu whenetkani.

Apocalipse 21:8

Seyni jhamleholune, malixkane, hektutu kamhalu hamotatshine, jiylalewaklerune, kapoklewaklerune, kahontshine, mayawletshicha kahwakpiratatshine, ptowru pejnu kayloklerune wanna ptowruneka kwawaklena tshitshmero yehi, tshitshmero powha nwaka, enxofre yehi. Wane hapokatshinepa hepi rixinri hipuktshipni.

Apocalipse 22:15

Seyni poktshi malekate rawna kawene pa himtuknurune, kahontshine, kapoklewaklerune, jiylalewaklerune, mayawletshicha kahwakpiratatshine, hayloklewlu halukatshine hiyrunu weyawlu kamhatshine.