Gênesis 39:2 - Bíblia

² Seyni Tsru Hixikatshriwa Hoyakalu José-ymalu wale tshinanu ptowruka kihle hixownale. Htowutjeru Egito hajerupji rawjeta.

Gênesis 39:2 ပူးပေါင်းရင်းမြစ်များ

Gênesis 21:20

Hoyakalu mturuymalu. Htseruwnatka mturu. Wane popriwaka yineru mwiywakanu rawjetna. Waneyakni katshralu hapkajikatshri rixnatkawa mturu.

Gênesis 21:22

Waneklu papko potuko Abimeleque tshinkaluru h-soldado-tene chefe-te Ficol tshinkaluruyma hiynumatlu Abraão waneya wla htshinru: — Hoyakalu honra pixayma ptowruko pkamhaleru tshinanu.

Gênesis 26:24

Wale yetshnoko Tsru Hixikatshriwa Hoyakalu hakanhayehitatkalu Isaque, wla htshinatkalu: — Purni Abraão-ni Hoyakalutno hita. Hi ppikanu klu tshinanu pixaymano, kihlewaka nkamhinyi, piklopichane nixolewkakanu ntowreru Abraão-ni tshinanu.

Gênesis 26:28

Waneya wla htshinruna: — Wetlu Tsru Hixikatshriwa Hoyakalu pixaymalu halikaka hiyáhoni wla wtshinatka: “Wunkakanu hixkakluko pixa, hixayma. Wtshinkajyawaka wkamhanu hixa, pixayma.”

Gênesis 28:15

Halikaka pixaymano, pixa ninotanu hanukta pyanu, wane koxa nwanu hita hiyrun-koxa nkamhanru xye tshiji psatkapyawakapa klu tshinanu hi nuknokanyi haté nunkajyawakyi nnikat-kamhaletanu.

Gênesis 39:23

Waneya preso hinotatshri hike ruslahyatka klu tshinanu ptowruka José-myo yatka klu tshinanu Tsru Hixikatshriwa Hoyakalu José-ymalu hiyáhoni repixlu José wale ptowruka hkamhaleru.

Gênesis 39:3

Potifar hetlu Tsru Hixikatshriwa Hoyakalu José-ymalu hiyrun-koxa ptowru potuko hkamhini José Tsru Hixikatshriwa Hoyakalu kihle kosekle rixkaklu.

Mateus 1:23

“Suxo, jeji mapokmanetanutowa michiwatanu, twuhenetanru jeji, hhiwakatko Emanuel.” (Emanuel raluka tshinreta “Hoyakalu hixaymalu”.)

Atos 8:31

Waneya ruhitlu: — Hanhe numukata himatjemletlu nethatanru hike masrukanutno? Waneya htshanixlu Filipe ratskoxyawaklo carro waleyma htuplaxyawakapa.

1 Timóteo 6:1

Towrertshine kahwakpiratanna htowutjene ptowru potuko tshinanu. Waneyakni hike yineru hapatanru Hoyakalu hi koxa wasruklewleko towrertshine tshinanu.