Gênesis 38:25 - Bíblia

²⁵ Waneya maleka tanikkoklunutka thimatjiru nwaka tyokantokanuta, wla ttshinakjixa: — Xye hejnunkatetatshrikni michitno. Punkaklewaxinno xye hiwaktshi marca-tyehi hitsluyma katunnihe hiyrun-koxa xye kanojertshi katunni?

Gênesis 38:25 ပူးပေါင်းရင်းမြစ်များ

Gênesis 37:32

Waneya mkatshri kakoje yonhalu ranikanwakatluna rurna waneya wane htshinruna: — Xye wukchikatka. Petpotutanru ho pituru mkallahe ho hike.

Gênesis 38:18

Waneya wale wla tshinro: — Klunerhe nenekanyi nunkakletleru himaxikolepa? Waneya wala wla tshinru: — Phiwaka marca-tyehi penekanno hitsluymako hiyrun-koxa pkanojere panikamtanru penekanno. Waneya walekaka reneklo. Waneya hkatshpeklo, tmichiwata waleyma.

Romanos 2:16

Waneklu hohnepa Hoyakalu hapnokatanru ptowru yine hchinikanu mimatyehikanatkotu ntshinyawaka kihle piranalu potuko hiwekkaklewatatshri pirana tshinanu Jesus Cristo tshinanuya.

1 Coríntios 4:5

Hiyáhoni xawakni hike hikolukanuwnanu hma mapokkanuko pchini hipapkolu. Hkahwakanu Wutsrukate Cristo hapojinipa papkopa waneya ptowru pirana potuko rutakyahokanu. Ruphujetanru ptowru pirana yohimatkaluru pirana, ruphujetanru ptowru yineru hichinikanretanru pirana. Waneklu satkaka halixkotko Hoyakalu tshinanu.

Apocalipse 20:12

Waneya hipnatshine neta. Wanna hipnatshine hijhakalune hiyrunu mujhakonpotu Hoyakalu hoji sreta hyopkakna. Waneya yonawahlo stenkaka kopralakka. Satutnaka yonawahlo steno kopralakka, hiwejikaluro steno tshinkaluru. Waneya hipnatshine hikolukkatka hkamhalerna pirana tshinanu, papel-mta hwapiranatatshri yonatkaluru tshinanu.