Gênesis 37:9 - Bíblia

⁹ Waneya rupnawatatnaka José waneya runkakna himolene waneya wla htshinna: — Hiyrun-koxa nupjetlu tkatshi, ksuru hiyrunu onze katahirine yonohyehitno, — htshina.

Gênesis 37:9 ပူးပေါင်းရင်းမြစ်များ

Gênesis 20:3

Seyni Hoyakalu yanwakatlu Abimeleque rupnawleya waneya wla htshinru: — Pixa halikaka hipnatshripyi klu tshinanu suxo pwapjixlero wala honukla khanururo.

Gênesis 37:10

Waneya José hinkajinixkalu ruru, himolen-koxa, ruru hijretlu wla htshinru: — Klu koxhe pupjejeta pixa? Halikakpaklahe wyanwakatanyi hita, punro, pimolen-koxa hyonohyehixyawakapyina haté tshiji potuko?

Gênesis 37:7

Hitaklu wapatjekanata, wostujekanatlu campo-ya waneya nostuptaleru yopkaka hipnata, hyotunotatka seyni hixa hostuptaleru mkoje hapyehitlu nostuptaleru, hyonohiyehitluna nostuptale.

Gênesis 37:8

Waneya wane htshinruna himolene: — Pukchikluhe ptowrexyawakapwu? Halikaklahe wtowutjeryi pixinwa? Hiyáhoni rupnawle tshinanu hiyrunu ptowruka htshinyana tshinanu yohnik-rix-hahkaletluna.

Gênesis 41:25

Waneya José hihitlu wla htshinru: — Faraó hipnawle satupkalu. Hoyakalu hekhitatkalu Faraó klu hkamhanu wane pnutepa.

Gênesis 41:32

Hepi kata rupnawatatka Faraó klu tshinanu Hoyakalu halikaka wane hixanu hiyrun-koxa Hoyakalu chiretanru wane rixyawakapa.

Gênesis 42:6

José Egito tshijne hajene towutatshri hiyáhoni walekni honantshi hichanjiyna ptowru tshijne hajeneka. Waneya José molene hapoka, hyoptsojityehitluna hihojna tshiji rutspakna.

Gênesis 43:26

Waneya pantshi rapojiniklunupa José henekachalu ranikanwakatluna himyoyna ranijyaluna pantshi hitokote. Hyonohiyehitluna, hihojna rutspaktshijitna.

Gênesis 43:28

Waneya ruhitluna: — Wuru, ptowreru pomtatka, riwekawa. Waneya hyonohyehitluna, rimalwutluna.

Gênesis 44:14

Waneya Judá himoleneyma José-pji hapokhonukatnaka waneya José wanekananukowa. Waneya wale hoji sreta hyawniyna tshiji.

Gênesis 44:19

Pixa potuko nutsrukatyi hepomhatkawu hixa ptowrerunwu mitshi, ho jirwuhe ho kamolewuhe, ptshinwu.

Gênesis 45:9

Hiyáhoni hchiretanu nuru yehi hsatkapyawakapa wane htshinanru nuru: — Wane rix-hinkaklekjixwu pituru José: “Hoyakalu hitakno tsru hixikatshriwa nixyawaka Egito tshijne psoluyaka hiyáhoni pchireta serpiklenwakatanno. Hi hohamokapyi.

Gênesis 46:29

Waneya José halpokotatkalu h-carro-te cavalo kosleru hyoptoxyawakaplu ruru Israel Gósen tshinikowaka rapojinpatka. Hyanwakatlu Israel hsaprikatkalu hihoji wale thana rutspakatka wane hixatshri hotshiyahle rixa ruru thanaya.

Gênesis 47:12

Hiyrun-koxa rohlutlu ruru hiyrun-koxa himolene, rurupji hajene ptowruneka rohlutatka honantshiya satkaka xkehi hijhaleru pso reneka.

Filipenses 2:15

Waneya wan-hixinipa, hike mixkanephi, powrahchinikanunephi, Hoyakalu whenenhi potukalunephi hewi tshijne hajene mpotukane, pupjetatshine tskalaya. Wanna tskala katahirine hatawnatshine pixka hixatshinephi, tenhohne hajene pixkalunephi.