Gênesis 37:4 - Bíblia

⁴ Waneya rexinixkaluna himolene José wanna ptowruneka yohnika hamotle rixlu ruru, rahnanutluna José hiyáhoni hike tokantshi kihleru rumukata tshinretluna José.

Gênesis 37:4 ပူးပေါင်းရင်းမြစ်များ

Gênesis 27:41

Waneya Esaú hahkalu Jacó. Rahkalu klu tshinanu ruru hihlehchinikanyehitlu Jacó. Waneya wla htshinahchinikanuta Esaú: — Hi howukchini ktetshipni nurupni hipniywaka tshinanu waneya wane pnute nuylatanunru nepurupni Jacó-pni.

Gênesis 37:11

Waneya himolene hahxatlu seyni ruru himrettokanutlu wale nanwaka.

Gênesis 37:5

Waneya rupnawatatka José waneya José hinkakna himolene; hiyáhoni wale tshinanu yohnika hahkale rixluna.

Gênesis 4:5

Seyni Hoyakalu hi hikchikhihlenutlu Caim hiyrunu renekachle. Hiyáhoni hjihekanuwata Caim, hektu hojitkalu.

Gênesis 49:23

Runokakjenemka kamnipotutatkalu, rinokamkatkaluna katshraluya, rahnanutmakluna.

Marcos 3:25

Hiyrun-koxa pantshi hajene wannakakluko pnu pejnu rixahchinikanutna hi rumukata hwachaletna.

Tito 3:3

Klu tshinanu hix-koxa mahchinikanunekananwu mitshikananu. Hektuwaka kamhatshinekananwu, pupjetatshinekananwu. Ptowru hixatshri xye tshiji halukanru hiyrunu poyikowlu womkahjekanata. Hektutu womkahjekanata, wet-sotanrewjekanata. Wahnanuwjekanata. Hixkakluko wahnanutkakjekanata.

1 João 2:11

Mapchahawaka rawakowa hahnanutamoletatshri. Mapchahawaka riyana hiyáhoni hi rimata hanukta hyanu, klu tshinanu mapchahalu tshinanu hi rapkathojita.

1 João 3:10

Wane wixa himathetletanna Hoyakalu whenene, kamtshi whenen-koxa: Ptowru yineru potuknutshi mkamhakatu, ho Cristo tshinanu hmoletanru hma muchinikkanuklunru katuktako, wale hi Hoyakalu matkaklerni wale.

1 João 3:12

Hi Caim pixka wixanu, wale kamtshineru hiyáhoni repuru Abel-ni ruylatatka. Haklu tshinanhe ruylatlu? Klu tshinanu waleko hkamrure hektun-tshinanni hiyrunu himolni kihle kamrure rixle tshinanu.

1 João 4:20

Satu wane tshininiklunwa: “Namotlu Hoyakalu”, seyni rahnanuxinri Cristo tshinanu hmoletanru, kayloklerni wale. Klu tshinanu katukta hi hamotlu Cristo tshinanu hmoletanru, retler-potuko, hi rumukata hamotletlu Hoyakalu, metkot-potuko.