Gênesis 35:3 - Bíblia

³ Waneya wpalnanu Betel nwaka wyanu. Waneko satu altar nkamhini Hoyakalu tshinanu. Waleni nyijnakotjeru napohchinikanutlu mitshi nkaheknanuwle klu papko. Hitaymakananru nyapyawaka pejnukananuya.

Gênesis 35:3 ပူးပေါင်းရင်းမြစ်များ

Gênesis 28:15

Halikaka pixaymano, pixa ninotanu hanukta pyanu, wane koxa nwanu hita hiyrun-koxa nkamhanru xye tshiji psatkapyawakapa klu tshinanu hi nuknokanyi haté nunkajyawakyi nnikat-kamhaletanu.

Gênesis 31:3

Waneya Tsru Hixikatshriwa Hoyakalu hiynumatlu Jacó, wla htshinru: — Putsrukatene tshijne nwaka pyanu, pimolene nwakako. Hitaymalutyi.

Gênesis 31:42

Hoyakalu, nuru Hoyakalute, Abraão Hoyakalute, Hoyakalu Isaque kahwakpirreru hitayma hmixkanumka pixamka hike mimwakatukno pyokanaxinmakno. Seyni Hoyakalu hetlu nsalewnale hiyrun-koxa nkamrure nkamhaleru hita myoya reta hiyahokni xye yetshno ruykotatkayi.

Gênesis 32:24

Waneya rapaluchatatka Jacó. Waneya wanekni satu jeji yahoxyalu haté rumrerekatka tkatshi.

Gênesis 32:7

Waneya Jacó pikpotutatka, hkojwakahchinikanutatka. Hkanipretatkana yine waleymalune, pratshine hkanipretatka, carneiro-ne, cabra-ne, boi-ne, camelo-ne hkanipretatka hepi xkehi rixyawakapna.

Gênesis 35:4

Waneya renekluna Jacó hoyakalune minjene rimwakanatanune. Rujeprena rutaklerna renekluna. Waneya Jacó xye ptowruka hkapnatatka tsru hahmuna hmana Siquém tshinikowaka hinaple hwatshri.

Gênesis 35:7

Waneya waneko satu altar hkamhiyatka. Waneya rutakhiwakatlu wale poktshi El-Betel klu tshinanu wanekni mitshi Hoyakalu hakanhayehixyalu Jacó himole rasujiniklunutka mitshi.

Gênesis 48:15

Waneya kihleru htshinanwakatlu José, wla htshinru: — Nanjitlu Hoyakalu nurunni Abraão-ni, Isaque-ni homkahleru, nohlutjeru niwejinri pchinika haté xawakni,