Gênesis 34:9 - Bíblia

⁹ Waneyakni witshikajini. Hixa whenene suxone henekanwu hixa hiyrun-koxa wwuhenerone hnurutanhi hixa.

Gênesis 34:9 ပူးပေါင်းရင်းမြစ်များ

Gênesis 19:14

Waneya Ló yatka, riynumsatatkana himekanurunepiramka, Ló whenene suxone hnunrotatshinepamka. Ló wan-tshina: — Chinipotuphi, hewi poktshi hichpajinixka klu tshinanu Tsru Hixikatshriwa Hoyakalu xekoyaka hnikatanru xye poktshi. Seyni himekanurunepiramka kahwaklu Ló kajrukna.

Gênesis 24:3

Ptshinanno Tsru Hixikatshriwa Hoyakalu tshiji Hoyakalute, tenhohne Hoyakalute koxa hiwakaya hi xako pwapanro suxo hewi canaã-nerune nero whene nwatkalrene whene hhanunroxyawakaplo, noturu Isaque.

Gênesis 27:46

Waneya Rebeca wla tshinru Isaque: — Hete-neru whenene suxone kojwaklu niwejinri. Hiyáhoni Jacó hanunroxiniplo sato hete-neru whentnaka, xye tshijne hajero, hikeklu poyikpatkanno.

Gênesis 34:10

Hiyrun-koxa hixayma hwanu hixa. Wane hixatshinephi hike himalexinhi tshiji. Hewi tshijne hwanu hixa, hewi hmaronewjexini, hejnu hikchikanu xye tshijneya.

Gênesis 34:8

Waneyamka Hamor tshinkaluru hiynumsatna, wla htshinatkana wanna: — Nowhene Siquém halukpotutlo piwhene suxo. Hiyáhoni nanjityi walatshi penekanru hhanunroxyawakaplo.

Gênesis 6:2

Waneya Hoyakalu whenene hetna jeji whenene suxone, kihlekakna. Hiyáhoni hhanunrotna satkaka ralukanrone potuko.