Gênesis 32:9 - Bíblia

⁹ Waneya Jacó wla tshina hanjireta: — Ha Hoyakalu, nurni Abraão-ni Hoyakalute, nuru Isaque Hoyakalute, Tsru Hixikatshriwa Hoyakalu honukla nunkaklexijeru wla ntshinjeru: “Ptshijne nwaka psatkapanu, pimolene nwaka. Wane hixatshripyi nepixanyi kihleruya.”

Gênesis 32:9 ပူးပေါင်းရင်းမြစ်များ

Gênesis 17:7

Hita wane ntshinanyi numlujyayi hikeklu hohne hnikawnanu numluklewle. Pixaymano hiyrun-koxa piklopichaneymano, pixa whenene hapkatatatshinepa koxa ymapno. Pixa Poyakalutno hiyrun-koxa piklopichane Hoyakalutepno.

Gênesis 28:13

Escada teno nwaka rawakanata Tsru Hixikatshriwa Hoyakalu waneya wane htshina: — Hita Tsru Hixikatshriwano Abraão Hoyakalutno, Isaque Hoyakalut-koxno. Xye tshiji pukoluhyawaka, nenekanyi pixa hiyrunu piklopichane koxa.

Gênesis 28:15

Halikaka pixaymano, pixa ninotanu hanukta pyanu, wane koxa nwanu hita hiyrun-koxa nkamhanru xye tshiji psatkapyawakapa klu tshinanu hi nuknokanyi haté nunkajyawakyi nnikat-kamhaletanu.

Gênesis 31:13

Betel tshinikowaka sotlu pyopkakanru nhihtshi puyokhohotanru yehi Hoyakalutno, wanekni mitshi ptshinyano. Hiyáhoni xawakni chinpotukawa ppalnanu, xye tshiji puchpajini, psatkapanru ptshijne pimolene yehi.

Gênesis 31:29

Numukata himtukletmakyi. Seyni puru Hoyakalute hiynumatno xye yetshno wla htshinatkano: “Xako hi hektuwaka ptshinanru Jacó hiyrun-koxa hi pa hixanu punkaklexinnru Jacó.”

Gênesis 31:3

Waneya Tsru Hixikatshriwa Hoyakalu hiynumatlu Jacó, wla htshinru: — Putsrukatene tshijne nwaka pyanu, pimolene nwakako. Hitaymalutyi.

Gênesis 31:42

Hoyakalu, nuru Hoyakalute, Abraão Hoyakalute, Hoyakalu Isaque kahwakpirreru hitayma hmixkanumka pixamka hike mimwakatukno pyokanaxinmakno. Seyni Hoyakalu hetlu nsalewnale hiyrun-koxa nkamrure nkamhaleru hita myoya reta hiyahokni xye yetshno ruykotatkayi.

Gênesis 31:53

Abraão-ni Hoyakalute hiyrun-koxa Naor-ni Hoyakalute wanna hirni Hoyakalute hetahchinikanyehitwu pixa hiyrunu hita. Hiyáhoni Jacó htshinkajyawakna rikamhakakna ruru Isaque hkahwakpiraxyawaka tshinanu.

Gênesis 32:8

Waneya wla htshina Jacó: — Hiyahokni Esaú pa xkehipni rapkapinipa, ruylaxiniplu waneya pa xkehi hixetatshripa himukata hasukleta.

Gênesis 49:25

Puru Hoyakalute tshinanu, pepixjeru. Ptowru himukatatshri tshinanu pserutjerni wale tenhohne hajeru teno hwatshri, pserutjerni tenohalu hitokha hwatshri. Pserutjerni whenewluya hiyrun-koxa ptowru hixatshri matutatshri pserutjerni wale.