Gênesis 32:30 - Bíblia

³⁰ Waneya wale poktshi rutakhiwakata Jacó. Peniel hhiwakatlu klu tshinanu wla htshinatka nethojitlu Hoyakalu seyni hi nupnatka.

Gênesis 32:30 ပူးပေါင်းရင်းမြစ်များ

Gênesis 16:13

Waneya thiwakatlu Tsru Hixikatshriwa Hoyakalu tyinumsatjeru. “Pixa Netjeryi ttshinru Hoyakalu” klu tshinanu wane tixahchinikanuta, “Xawakniklahe netlu Netjeru?”

Gênesis 28:19

Rutakhiwakatlu wale poktshi, Betel htshinru. Mitshikananu Luz htshinka.

Gênesis 35:9

Waneya Jacó Padã-Arã ruchpajiniklunukananuko Hoyakalu hakanhayehitatnaklu waneya kihlewaka htshinanwakatlu Jacó.

João 1:18

Hi satukna yineru hikeklu hetjejetlu Hoyakalu. Halikaka Hoyakalu whene satupkalutu, ruru Hoyakalusko potuko hwatshriko, walekni hiphujtatlu Hoyakalu.

1 Coríntios 13:12

Klu tshinanu xawakni hi wuhle hetlepotutlu Hoyakalu hatatjewa hanihapi rexika. Seyni pa hohnepa hihoj-potuko wexinri. Xawakni psotsonu nimata seyni pa hohnepa nimathetpotutanru, wale rixa himathetlexyawakno pixka.

2 Coríntios 3:18

Ptowrunekwu hixa muchyahojitkanwu wuphujetlu Tsru Hixikatshriwa Hoyakalu hoyaknu hatajnu hanihapi pixka. Wekhitlu waleko royaknu hatajnu. Tsru Hixikatshriwa Hoyakalu ruchpajya xye hoyaknutshi, Hoyakalu Hiwejikalurukni. Tsru Hixikatshriwa Hoyakalu pixka rixkakwu. Hiyáhoni hoyakawaxikaluru hatajnu pnuteko hyakananumta.

2 Coríntios 4:6

Hoyakalu wla tshina: “Mapchahawak-yehi katalupni.” Wane potuko hixa hatawnaletatka halikaka pirana wihchinikanuya. Xyekni renejyawu himatkaltshi hatajnu Hoyakalu hoyaknu himatyehixikowakapa, yotshyahatatshri Cristo hojiya.

Gálatas 1:6

Nimyekpotuthonuka wan-hixa hicholehapkaxyawaklu hixa tshanixjeru, hetwamonru piranaya, Cristo tshinanuya, satu kihle piranalu potuko hiwekkaklewatatshri piranako homkahixyawakana.

Efésios 1:17

Nanjijetlu Wutsrukate Jesus Cristo Hoyakalute, waleni Hirtshi ptowru potuko royaknu, renejyawakaphi himatkaltshi Hoyakalu Hiwejikaluru henekanwu hiphujetlewatatshri rimathexikolupa halikakalutu pirana Hoyakalu yehiya.

Colossenses 1:15

Hoyakalu metkotu ruphujewnakakatka Cristo-ya. Cristo mitshikananu wuhenetkaluru ptowru hiyakotkaluru pnute.

2 Timóteo 1:10

Hoyakalu hihlenu renekachale rimathetka Wiwekkakjeru Jesus Cristo hiphujewnale tshinanu. Walekni hipuktshi nikatatka hiyrunu ruphujetlu hiweklu, hiweklu mnikawnakat-koxa kihle piranalu potuko hiwekkaklewatatshri piranaya.

Hebreus 11:27

Halixlu tshinanu Egito tshijne ruknokatka Moisés mitshi. Hi hpiklu pohirtshi hahjiywaklu. Hi ruhrokatka seyni ptowruka rakotachata klu tshinanu Hoyakalu metkotu reta hihchinikanu.