Gênesis 32:24 - Bíblia

²⁴ Waneya rapaluchatatka Jacó. Waneya wanekni satu jeji yahoxyalu haté rumrerekatka tkatshi.

Gênesis 32:24 ပူးပေါင်းရင်းမြစ်များ

Gênesis 18:2

Htunohiyhaleta waneya retna mapa jejine walestsi yopkakatshine. Rexinixkana riphaptote swa ruchpak-hasuklemxya, rasukanwakatna waneya hsatómiha haté tshiji.

Gênesis 30:8

Waneya wla ttshinatka Raquel: — Tsru yahtaletlu neta nomole suxoyma nyahtaletkatka. Seyni nallitanatkalo. Hiyáhoni Naftali tutakhiwakatlu.

Gênesis 32:23

Ranikatkana, hkopruhakakatkana wanna hiyrun-koxa rimwaleru ptowruka hkopruhakakatka.

Gênesis 32:25

Rexinixka jeji hi rakota yahotletlu Jacó, Jacó tpali hapu yokle hyotnekatka hpixkonuyma hiyáhoni Jacó tpali hapu yokle himtuwnatka hyahotkakka pchinikna.

Gênesis 32:28

Waneya jeji wan-tshinru Jacó: — Xawakni hi Jacó phiwakatko seyni Israel phiwakatko klu tshinanu Hoyakaluyma pyapretaklu, yineyma koxa pyapretaklu hiyáhoni pyoptotlu.

Gênesis 32:30

Waneya wale poktshi rutakhiwakata Jacó. Peniel hhiwakatlu klu tshinanu wla htshinatka nethojitlu Hoyakalu seyni hi nupnatka.

Gênesis 48:16

Hiwejikaluru tenhohne hajeru nepixjeru ptowru hektutu niknohkakjeru nanjita kihleru rixyawakapna maklujine. Hita hiwaka hhiwakaxikolupna hiyrun-koxa nurunni hiwakkaka Abraão-ni, Isaque-ni hhiwakaxikolupna. Htseruxikowakapna hixolune rixikolupna tshiji hanikajiteya.

Lucas 13:24

— Hyahot-jihlokletanu mtseruswa hiphaptotetu. Klu tshinanu halikaka ntshinhi. Hixolunemka haluka jihlokletanu seyni hi rumukatanruna.

Lucas 22:44

Jesus salewnahchinikanuta tsru potuko hiyáhoni hmixkowa hanjihohnereta wane pnute. Ruhkokha hrahtshi pixka rixa. Rutspihle tshiji rapoka.

Romanos 15:30

Nanjithi nmoletanune, Wutsrukate Jesus Cristo tshinanu hiyrunu Hoyakalu Hiwejikaluru hichiniklewle henekachale tshinanu nanjipotuthi himanjihohnetanno Hoyakaluya.

1 Coríntios 15:47

Mitshikananu Adão waleni tshiji hajeru tshiji kamhikolni. Seyni hapkatatatshri Adão waleni Tsru Hixikatshriwa tenhohne hajerni.

Efésios 6:12

Klu tshinanu wkamnitjene hi yinni kahiturune, hi kahrahalune seyni wkamnitjene wannakni kamtshine hmuhlenuymana xye psol-hohneko yapatshine hiyrunu tsrukakalune, tsru hitakkalune, malehohnewaka hwatshine tsru pixkontshiyma yine yokwijpiratatshine, kamtshi yokwijpiratwu towutlewpiratatshineya.

Efésios 6:18

Xye ptowruko hkamhanu hanjihohneruya Hoyakalu hanjitanu repixyawakaphi. Hanjihohnetanu hi hituk-hanjihohneretanu. Hoyakalu Hiwejikaluru kosekle homkahitanu hanjihohneruya. Hi himnanhanu. Hi hihrokanu hanjihohneruya. Hanjihohneyehitanna Hoyakalu halixatshine.

Colossenses 2:1

Klu tshinanu naluklu hixa himaxyawaklu hi psokananu nixa kamrurewleta hixa tshinanu hiyrun-koxa Laodiceia poktshi hwatshine tshinanu. Hiyrun-koxa pimrine ptowruneka hita mimathetkane tshinan-koxa.

Colossenses 4:12

Epafras, satutnaka hix-yehi hichpajikatshritka, Cristo towreru halikhi. Hi rutuk-hanjihohneyehrethi seyni ranjijetlu Hoyakalu hpoyehiwa halixlekakanhi, tsrune rixkakanhi halixlewluya, psoluka Hoyakalu halukanru hixa tshinanu.

Hebreus 5:7

Jesus xye tshijne rawakanaxini, tsru saplewlu hiyrunu tshiyahluyma ranjihohneta hiyrunu ranjitlu Hoyakalu hipuktshi hma kayaxyawakanumkapa. Hoyakalumka yijnakotlu klu tshinanu Jesus kahwakpirurumkani, ptowutkolmakni.