Gênesis 32:13 - Bíblia

¹³ Waneya waneko rawatka wale yetshno. Waneya rimwaleru hkanipretatka henekachalu himole Esaú tshinanupa.

Gênesis 32:13 ပူးပေါင်းရင်းမြစ်များ

Gênesis 13:16

Nkamhanru piklopichane ksatuji pejnu rixyawakapna hiyáhoni satu yineru poyaho hitakyahokletkamkalu ksatuji waneya pixa piklopichane koxa poyaho hitakyahokletko.

Gênesis 15:5

Waneya maleka raniklu Tsru Hixikatshriwa Hoyakalu Abrão waneya wane htshinru: — Teno pyihatanu, putakyahokanro katahirine, pumukata hitakyahoklexiniplo putakyahokanro. Waneya Hoyakalu wan-tshinru: — Katahiri pejnuplu piklopichane.

Gênesis 18:2

Htunohiyhaleta waneya retna mapa jejine walestsi yopkakatshine. Rexinixkana riphaptote swa ruchpak-hasuklemxya, rasukanwakatna waneya hsatómiha haté tshiji.

Gênesis 22:17

Hita halikaka nuhlehchinikanutanyi hiyrun-koxa nkamhanna pixa piklopichane katahiri tenhohne hajeru pejnu rixyawakapna, hiyrunu ksatuji mar powha wnahlu hajeru pejnu rixyawakapna. Piklopichane konpoklutanna hkamnixjene.

Gênesis 32:14

Pratshine hkaniprelene pejnu wla pejnuna, duzentas cabra-ne, vinte bode-ne, duzentas ovelha-ne, vinte carneiro-ne,

Gênesis 33:10

Waneya Jacó wla tshinru: — Seyni hike, puchinikanrexinpakno nanjityi nenekachale pyoptoxinno. Klu tshinanu pix-hoji nexyawaka hatatjewa Hoyakalu hoji netatka hatewa pukchikhihlenutno.

Gênesis 33:8

Waneya Esaú hepomhalu, wla htshinru: — Kluhe paluka tshinkakletlu hejnune nyoptojemtanune? Waneya Jacó wla tshinatkalu: — Wale honukla kihle yoptole pimixyapno pixa nutsrukatyi.

Gênesis 42:6

José Egito tshijne hajene towutatshri hiyáhoni walekni honantshi hichanjiyna ptowru tshijne hajeneka. Waneya José molene hapoka, hyoptsojityehitluna hihojna tshiji rutspakna.

Gênesis 43:11

Waneya wla htshinna rurna Israel: — Wane hixini wla hixanu. Hanikanru xye tshiji halujikalur-potu h-saco-neya, hanikanru henekachatanru wale jeji bálsamo psoji, wrolha psoji, arômatas, mirra, pistache hanaji, amêndoas koxa henekanru.

Gênesis 43:26

Waneya pantshi rapojiniklunupa José henekachalu ranikanwakatluna himyoyna ranijyaluna pantshi hitokote. Hyonohiyehitluna, hihojna rutspaktshijitna.