Gênesis 32:10 - Bíblia

¹⁰ Seynimka hita hi hijhakalurpotno pepixle tshinanuya, hi napkaplu halikakalutu pirana puphujetleru hita ptowrerno yehiya. Klu tshinanu hit-mitshi Jordão wenne nkopruhaxyatka nkanojereymatka tsonu seyni xawakni hepi xkehi mnutkano.

Gênesis 32:10 ပူးပေါင်းရင်းမြစ်များ

Gênesis 18:27

Waneya Abraão yanumatatnaka wla htshina: — Petanno xawakni, nukchiklu Tsru Hixikatshriwa Hoyakalu nyinumaxyawaka seyni hitni kajpa pahi pixkalutuchano ho tshitshi pahi pixkalutuchano.

Gênesis 24:12

Waneya wla htshina: — Ha Tsru Hixikatshriwa Hoyakalu, Abraão Hoyakalute nanjityi penejyawakapno kihle hakanhaleru xye hohne tshinanu, kihlewaka pixanru nutsrukate Abraão.

Gênesis 24:27

Wla htshina himalwuretlu: — Kchinikanurni Tsru Hixikatshriwa Hoyakalu nutsrukate Abraão Hoyakalute. Pixa pepixle hiyrun-koxa ppotuknu hi pkonyalu nutsrukate Abraão. Hiyrun-koxa hita ranikno Tsru Hixikatshriwa Hoyakalu nutsrukate Abraão molene nwaka potuko yahapotatshri ranikatkano.

Gênesis 28:13

Escada teno nwaka rawakanata Tsru Hixikatshriwa Hoyakalu waneya wane htshina: — Hita Tsru Hixikatshriwano Abraão Hoyakalutno, Isaque Hoyakalut-koxno. Xye tshiji pukoluhyawaka, nenekanyi pixa hiyrunu piklopichane koxa.

Gênesis 28:15

Halikaka pixaymano, pixa ninotanu hanukta pyanu, wane koxa nwanu hita hiyrun-koxa nkamhanru xye tshiji psatkapyawakapa klu tshinanu hi nuknokanyi haté nunkajyawakyi nnikat-kamhaletanu.

Gênesis 30:43

Jacó pohirewnapotutatka. Hixo pratshine rimwatka, towretshrone hixolune rimwatka, towrertshine hixolune rimwatka, camelo-ne hixolune rimwatka, jumento-ne hixolune rimwatka.

Gênesis 31:3

Waneya Tsru Hixikatshriwa Hoyakalu hiynumatlu Jacó, wla htshinru: — Putsrukatene tshijne nwaka pyanu, pimolene nwakako. Hitaymalutyi.

Gênesis 32:5

Kapranno boi-ne, jumento-ne npurata, carneiro-ne npurata, cabra-ne npurata. Ktowrerno suxone, jejin-koxa. Xye pirana nyokananwakaxyawakyi pixa nutsrukatyi kihleru pixa yoptolexinipno.”

Gênesis 32:7

Waneya Jacó pikpotutatka, hkojwakahchinikanutatka. Hkanipretatkana yine waleymalune, pratshine hkanipretatka, carneiro-ne, cabra-ne, boi-ne, camelo-ne hkanipretatka hepi xkehi rixyawakapna.

Lucas 17:10

Hiyáhoni hix-koxa ptowru potuko htowuxikowaka hali kamhalexini, wla htshinanu: “Hixa towrertshinwu hike hepixatshinwu. Klu tshinanu wtowuxikolupka wkamha.”

Lucas 5:8

Waneya xye rexinixka Simão Pedro, hyoptsojityehitlu Jesus. Waneya wane htshinru: — Tsru Hixikatshriwa hit-yehi pasujini klu tshinanu hitni jejno hektuntshi hwalerno.

2 Coríntios 12:11

Mahchinikanutu pixka nixa seyni hixakni wan-hixkakno. Hixakmakni haluklu kihlewaka htshinanwakaxyawakno. Klu tshinanu yáholu mujhakotno hita seyni hi psojikna napkataxyana mitshikananu nuretkalune yokanaxikolune.

1 Pedro 5:5

Hiyrun-koxa hixa maklujinhi hyijnakotanna tsrune. Halikaka hixa ptowruneka hyijnakkakanu. Hmasaxinwa ptowru potuyako. Klu tshinanu Hoyakalu kamnitna halixkotachaxikatshinwa seyni repixna masaxikatshriwa renekachaleyma.