Gênesis 31:7 - Bíblia

⁷ Puru yokwijejetno. Nkamrure hwenuxyano dez kata hyokmakatka. Seyni Hoyakalu hi ritshitlu rumtujyawakapno.

Gênesis 31:7 ပူးပေါင်းရင်းမြစ်များ

Gênesis 15:1

Wane pnute xyekaka Tsru Hixikatshriwa Hoyakalu tokanu hapyehitlu Abrão, satu rupnawleya waneya wane htshinru: — Hi ppikanu, Abrão. Hita pixa hinokakaklu himaletyehitatshrino hiyrunu pixa tsru pumlujikolu yoptotatshripyi.

Gênesis 20:6

Waneya Hoyakalu wla tshinru rupnawleya: — Hehe nimatlu pixa halikaka xye pkamha hike mixkatuyi. Seyni hit-honra himaletatkayi hektutu pma kamhiywakanupa hit-yehiya. Wale tshinanu nimaletatkayi pma yotnejyawakaplo.

Gênesis 29:25

Seyni rumrerejinixka tkatshi Lia-ktani. Hiyáhoni Jacó hepomhatkalu Labão, wla htshinru: — Kluhe pixno? Hi he nkamrurewatatka Raquel tshinanu? Hiyáhoni xawakni kluner-tshinanhe pyokwijetatkano?

Gênesis 30:28

Hiyahokni punkakanno hi psokta paluka pkamrurepa wenru tshinanu klu tshinanu wale nenekanyi.

Gênesis 31:24

Waneya Hoyakalu hakanhayehitatkalu Labão, arameu-neru hoyetshno rupnawleya waneya wla htshinatkalu: — Xako hi hektuwaka ptshinanru Jacó hiyrun-koxa hi pa hixanu punkaklexinri Jacó.

Gênesis 31:29

Numukata himtukletmakyi. Seyni puru Hoyakalute hiynumatno xye yetshno wla htshinatkano: “Xako hi hektuwaka ptshinanru Jacó hiyrun-koxa hi pa hixanu punkaklexinnru Jacó.”

Gênesis 31:41

Hiyáhoni vinte mhale pejnu pipji hajerukananno. Nkamrurewatatka quatorze mhale pejnu pixayma piwhenene suxone hepi tshinanu hiyrun-koxa nkamrurewata seis mhale pejnu piprane tshinanu. Nkamrure wenru pyokmajtatokanjekanaxyano dez kata.