Gênesis 31:3 - Bíblia

³ Waneya Tsru Hixikatshriwa Hoyakalu hiynumatlu Jacó, wla htshinru: — Putsrukatene tshijne nwaka pyanu, pimolene nwakako. Hitaymalutyi.

Gênesis 31:3 ပူးပေါင်းရင်းမြစ်များ

Gênesis 13:15

Klu tshinanu xye tshiji psoluko petleru nenekanyi pixa, pixa klopichane koxa, hikeklu hohne mnikawnakatupa.

Gênesis 21:22

Waneklu papko potuko Abimeleque tshinkaluru h-soldado-tene chefe-te Ficol tshinkaluruyma hiynumatlu Abraão waneya wla htshinru: — Hoyakalu honra pixayma ptowruko pkamhaleru tshinanu.

Gênesis 26:24

Wale yetshnoko Tsru Hixikatshriwa Hoyakalu hakanhayehitatkalu Isaque, wla htshinatkalu: — Purni Abraão-ni Hoyakalutno hita. Hi ppikanu klu tshinanu pixaymano, kihlewaka nkamhinyi, piklopichane nixolewkakanu ntowreru Abraão-ni tshinanu.

Gênesis 28:13

Escada teno nwaka rawakanata Tsru Hixikatshriwa Hoyakalu waneya wane htshina: — Hita Tsru Hixikatshriwano Abraão Hoyakalutno, Isaque Hoyakalut-koxno. Xye tshiji pukoluhyawaka, nenekanyi pixa hiyrunu piklopichane koxa.

Gênesis 28:15

Halikaka pixaymano, pixa ninotanu hanukta pyanu, wane koxa nwanu hita hiyrun-koxa nkamhanru xye tshiji psatkapyawakapa klu tshinanu hi nuknokanyi haté nunkajyawakyi nnikat-kamhaletanu.

Gênesis 28:4

Hoyakalu hinkajyalu Abraão-ni rixkakanyi pixa hiyrun-koxa piklopichanepa wane rixkakanu pyapyawaka tshijne pyoptoxini Hoyakalu henejyalu Abraão-ni mitshi tshijne.

Gênesis 30:25

Waneya José tali matletatka Raquel, Jacó wla tshinru Labão: — Pitshitanutkano nuchpajyawaka ntshijne nyanutka.

Gênesis 31:13

Betel tshinikowaka sotlu pyopkakanru nhihtshi puyokhohotanru yehi Hoyakalutno, wanekni mitshi ptshinyano. Hiyáhoni xawakni chinpotukawa ppalnanu, xye tshiji puchpajini, psatkapanru ptshijne pimolene yehi.

Gênesis 31:18

Hiprane ptowruka ranikatka, rejnunkate rapatjereru ranikatka, pratshine ptowruka Padã-Arã tshinikowaka hkayaxinritka ranikatka ruru nwaka, Canaã tshijne nwaka hyiywakapa.

Gênesis 31:2

Jacó hethojitlu Labão waneya rimathetlu Labão hi kihle hchinikanutkalu Labão Jacó tshinanu mitshikananu pixka.

Gênesis 31:4

Waneya Jacó tomhakjixatkalo Raquel, Lia htomhakjixatka campo hiprane wiywaka nwaka rapojyawakapna.

Gênesis 32:10

Seynimka hita hi hijhakalurpotno pepixle tshinanuya, hi napkaplu halikakalutu pirana puphujetleru hita ptowrerno yehiya. Klu tshinanu hit-mitshi Jordão wenne nkopruhaxyatka nkanojereymatka tsonu seyni xawakni hepi xkehi mnutkano.

Gênesis 32:5

Kapranno boi-ne, jumento-ne npurata, carneiro-ne npurata, cabra-ne npurata. Ktowrerno suxone, jejin-koxa. Xye pirana nyokananwakaxyawakyi pixa nutsrukatyi kihleru pixa yoptolexinipno.”

Gênesis 32:9

Waneya Jacó wla tshina hanjireta: — Ha Hoyakalu, nurni Abraão-ni Hoyakalute, nuru Isaque Hoyakalute, Tsru Hixikatshriwa Hoyakalu honukla nunkaklexijeru wla ntshinjeru: “Ptshijne nwaka psatkapanu, pimolene nwaka. Wane hixatshripyi nepixanyi kihleruya.”

Gênesis 35:1

Waneya Hoyakalu wla tshinru Jacó: — Ppalnanu, Betel tshinikowaka pyanu waneya waneko pwanu. Waneya altar pkamhinri Hoyakalu, pix-yehi hiphujewnikatshri mitshi pimole Esaú pasukahnapuxin-mitshi.

Gênesis 35:3

Waneya wpalnanu Betel nwaka wyanu. Waneko satu altar nkamhini Hoyakalu tshinanu. Waleni nyijnakotjeru napohchinikanutlu mitshi nkaheknanuwle klu papko. Hitaymakananru nyapyawaka pejnukananuya.

Gênesis 50:24

Waneya hma mupnaknu pchinika José, José hinkakna himolene, wla htshinna: — Nupnakastsitkani. Seyni Hoyakalu halikaka hiphujewnayehitanhi hiyrun-koxa xye tshijne hkochpajiniphi, ranikanhi tshiji runkaklexyalu Abraão-ni, Isaque-ni, Jacó-ni nwaka.

Hebreus 13:5

Hi tiyiro halukpotukanatatshinephi. Kihle hchinikanurunephi hejnu himwaleru tshinanu. Klu tshinanu Hoyakalu wla htshina: “Hikeklu nuchotanhi hikeklu nuknokanhi.”