Gênesis 30:25 - Bíblia

²⁵ Waneya José tali matletatka Raquel, Jacó wla tshinru Labão: — Pitshitanutkano nuchpajyawaka ntshijne nyanutka.

Gênesis 30:25 ပူးပေါင်းရင်းမြစ်များ

Gênesis 18:33

Waneya hajeyri Abraão hali hiynumletkalu Tsru Hixikatshriwa Hoyakalu yatka waneya Abraão yatka hipjiru.

Gênesis 24:54

Waneya hnikatka, ruratka wale hiyrun-koxa waleymalune ptowruneka nikatka, ruratkana. Ruknohkakluna wale yetshno waneya wale prika ruptekatkana waneya wla htshinatka: — Pitshitanno nyiywakapa ntowutjeru nwaka.

Gênesis 24:56

Waneya wla htshinatka: — Hi himaletanno klu tshinanu Tsru Hixikatshriwa Hoyakalu nyanre repixatka. Hiyáhoni nanjithi hyokanaxyawakapno nyiywakapa ntowutjeru nwaka.

Gênesis 26:3

Wane tshijneko pwanu. Wane pixini pixaymapno, nepixanyi. Klu tshinanu nyi tshijnekaka ptowruka nenekanyi pixa hiyrun-koxa pixa klopichane nenekanru nyi tshijnekaka ptowruka. Hiyrun-koxa nunkajyatkalu puru Abraão-ni pirana mitshi nixanyi pixa.

Gênesis 28:13

Escada teno nwaka rawakanata Tsru Hixikatshriwa Hoyakalu waneya wane htshina: — Hita Tsru Hixikatshriwano Abraão Hoyakalutno, Isaque Hoyakalut-koxno. Xye tshiji pukoluhyawaka, nenekanyi pixa hiyrunu piklopichane koxa.

Gênesis 28:15

Halikaka pixaymano, pixa ninotanu hanukta pyanu, wane koxa nwanu hita hiyrun-koxa nkamhanru xye tshiji psatkapyawakapa klu tshinanu hi nuknokanyi haté nunkajyawakyi nnikat-kamhaletanu.

Gênesis 31:13

Betel tshinikowaka sotlu pyopkakanru nhihtshi puyokhohotanru yehi Hoyakalutno, wanekni mitshi ptshinyano. Hiyáhoni xawakni chinpotukawa ppalnanu, xye tshiji puchpajini, psatkapanru ptshijne pimolene yehi.

Gênesis 31:55

Waneya wale prika yetshpotukawa hpalnatka Labão. Himekahyone ramlutatka hiyrun-koxa hiwhenerone ramlutatka, kihleru piranalu htshinna waneya Labão yatka rawyawaka nwaka.

Hebreus 11:9

Halixlu tshinanu runkaklexikolu tshijne rawjeta Abraão, hma metjejexyawakanu tshijne rawjeta. Pantshi nikalumta kamhikolupjikaka rawjeta Abraão, Isaque hiyrunu Jacó-yma. Wale tshijne yoptotatshinepa Abraão-yma Hoyakalu hinkajya pirana tshinanna.