Gênesis 3:5 - Bíblia

⁵ Klu tshinanu Hoyakalu himata hiklukta hnikanru waneklu himrekhatanutka, Hoyakalu pixka hixanutka himaxyawakaplu kihleru, hektutu.

Gênesis 3:5 ပူးပေါင်းရင်းမြစ်များ

Gênesis 2:17

seyni hahmuna pimaxyawakaplu kihleru, hektutu hiwakatletatshri sahi hi pnikanu klu tshinanu pnijinihohneplu pimatanu pupnanutka.

Gênesis 2:9

Hoyakalu wan-hixkaklu ptowru hixatshri hahmuna kihleru sahiwhihlenutatshri hitaklucha hiptshejyawaka. Hitaklucha hanikajite rawa hahmuna hiwejikaluru heneklewatatshri hiwakatletatshri. Wanekoxlu satu hahmuna himaxyawakaplu kihleru hektut-koxa hiwakatletatshri.

Gênesis 3:10

Waneya wale hihita: — Nyijnaktokanutmakyi hitakluchaya seyni npikatka klu tshinanu machkopirno hiyáhoni nyohimata.

Gênesis 3:22

Waneya wane htshina Tsru Hixikatshriwa Hoyakalu: — Jeji hiprotakatka hixa pixka rixyawakpatka, xawakni rimathexyawakpatkalu kihleru, hektutu. Adão, Eva rimaletatka hma yosurukamyoxyawakanpatnaka hiyrun-koxa hma komlajyawakanpatnaklu hahmuna hiwejikaluru heneklewatatshri tshinkaluru sahi, hma nijyawakanuplu, hiweklu phuta hikeklu hohne mnikawnakatupa heneklewatatshri.

Gênesis 3:7

Hnijinixkaluna ruslahnatkawana wanna hepi machkopinetkani waneya figueira sure hyots-hatkana himkalupna.

Mateus 6:23

Seyni hektu yhale pixinipa waneya piman-koxa mapchah-yehipa. Hiyáhoni katalu pimane hwatshri mapchahalu rixini, hi pa mapchahnukananuktalu!

Atos 26:18

pumrekhakajyawakna rumukata hichpaklexyawakna mapchahawakaya katalu romkahixyawakapna hiyrunu Satanás towre ruchpajyawakna Hoyakalu romkahixyawakapna. Waneya ralixlena tshinanu rektunna ruknojikona hiyrunu Hoyakalu nuretanune rixyawakapna.”

2 Coríntios 11:3

Seyni npiklu himnu yokwijexyawakanro Eva-ni kihlewaka htshinreyma pixka hixikowaka, waneko pixka hixa himtuklehchinikanutkonmaka hixapni. Wan-hixkanmaka hiknoklewatanuna hihchinikanu halikakalutu, potukalu Cristo hichpajikatshri chinikantshi.

2 Coríntios 4:4

Hi ralixluna Cristo klu tshinanu xye tshijne hoyakalute hektutu kkamhakleru himaletahchinikanutna. Hi ritshitna rumrekhaxyawakna hma mexyawakanupluna katalu, kihle piranalu potuko hiwekkaklewatatshri pirana, Cristo hoyaknu pirana. Cristo waleni Hoyakalu yáholu potuko.

2 Tessalonicenses 2:4

Hkamnitanru ptowru hixatshri hoyakalu tshinikatshriwa hiyrunu htserutpiranyehixinwa ptowru hixatshri hoyakalu tshinkalurutka ho himalwutkaluru phuta yohnik-hixahoxikatshriwa. Waneya Hoyakalupji potuko htowutanu, Hoyakalu htshininwa.

Apocalipse 13:14

Hyokwijetna tshiji hwatshine ptowruneka himyekaklewatatshrikaka hkamhaleruyma, rumukatle renejikolu tshinanu, mitshikananu kmatsyiru hetanu. Runkakjixna xye tshijne hajene mayawletshicha hkamhiywakapna kmatsyiru mayawleya, yohlolewapi kastakjiwuxikalurutka seyni hi rupna.

Apocalipse 13:4

Hiyáhoni rimalwutluna Tsru Kamtshi dragão klu tshinanu tsru pixkontshi reneklu kmatsyiru. Hiyrun-koxa kmatsyiru rimalwutna. Wla htshina himalwuretluna kmatsyiru: — Hanurhe kmatsyiru pixkalutni? Kathe hakot-kamniretlu?