Gênesis 3:23 - Bíblia

²³ Wale tshinanu Tsru Hixikatshriwa Hoyakalu hiknokatkalu jeji hitaklu hwiywaka Éden tshinikowaka hma wiywakanpatka hiyáhoni hkamhikoluko tshiji hjitota Adão rutaklewaxyawakapa.

Gênesis 3:23 ပူးပေါင်းရင်းမြစ်များ

Gênesis 2:5

Hnikata kamhalexinixkalu hohne Tsru Hixikatshriwa Hoyakalu tenhohne, tshiji koxa, waneklu papko hikewani hitaklu, hike hiptshekawa klu tshinanu hi hyokanatawalu Hoyakalu hina. Hiyrun-koxa hike kamrurewaxyawalu tshiji.

Gênesis 2:7

Waneya Tsru Hixikatshriwa Hoyakalu kajpapahi kamhiylu jeji waneya jeji jripna rajpoka Hoyakalu hinnipha, rinniphakajyalu riwejinri hiyahokni jeji yinuwakatka riwejyawaka.

Gênesis 2:8

Waneya Tsru Hixikatshriwa Hoyakalu hitaklu satu hitaklucha Éden tshinikowaka, tkatshi hichpajyawaka sreta, waneya wane rutaklu jeji hkamhaleru.

Gênesis 3:19

Hiyáhoni pihoji ruchpajini puhkokha pnikleru pkochpajyawakapa haté pupnanu psatkapanu tshiji klu tshinanu tshiji kamhikolyi. Kajpapahyi, kajpa pahiko pixinixnakwa.

Gênesis 3:22

Waneya wane htshina Tsru Hixikatshriwa Hoyakalu: — Jeji hiprotakatka hixa pixka rixyawakpatka, xawakni rimathexyawakpatkalu kihleru, hektutu. Adão, Eva rimaletatka hma yosurukamyoxyawakanpatnaka hiyrun-koxa hma komlajyawakanpatnaklu hahmuna hiwejikaluru heneklewatatshri tshinkaluru sahi, hma nijyawakanuplu, hiweklu phuta hikeklu hohne mnikawnakatupa heneklewatatshri.

Gênesis 3:24

Hiyáhoni maleka hyokanatka jeji. Waneya hma satkapyawakanupa Hoyakalu hitaklu, Hoyakalu towrerune tkatshi hichpajyawaka sreta rutakna Hoyakalu. Hiyrun-koxa rutaklu satu yohlolewapi hitokote ruchpakmeroxya tshitshi, psoluka hsajrukmerota, rinoxyawakaplu hatnu hapo hahmuna hiwejikaluru heneklewatatshri nwak-hapo.

Gênesis 4:12

Hiyáhoni wane pnutpatka tshiji pjitoxinpatka hitaklu tshinanu hi renekmixkonutanutkalu tshiji putakle. Yohimatatshripyi, yanachalupyi xye tshijiya.

Gênesis 4:2

Waneya wane pnute twuhenetlu repuru Abel. Abel carneiro kkammaneklerni seyni Caim susanatewaklerni.

Gênesis 9:20

Noé jitaklewakleru hiyáhoni hsana hkamha. Rutaklo uva.