Gênesis 3:17 - Bíblia

¹⁷ Waneya Hoyakalu wan-tshinru Adão: — Pixa niklu hejnuji wane ntshinyi hi pnikanru seyni pyijnaktokanutlo phanunro. Hiyáhoni hektutkalu tshiji pixa tshinanu, tsru kamrurtshi potuko pkamhinri pnijinri, ptowru hohneruko piwekka pchinika.

Gênesis 3:17 ပူးပေါင်းရင်းမြစ်များ

Gênesis 3:11

Waneya repomhalu Hoyakalu: — Ha hanu hixa himatletlu machkopiru hixyawaka? Hnikatkalhe hahmuna sahi nmitshiniklexyahi?

Gênesis 3:18

Hiyrunu tshiji ruptshejini ptowru hixatshri kawchiri, pniklerupa hsana hitakkaluru yehi.

Gênesis 3:6

Waneya suxo texinixkalu hahmuna, kihle sahkaka rixyawaka tshinanu pnikkolu tikahwaklu hiyrunu toyhale texyalu kihleru hahmunni tet-sotanutlu pnute timaxyawakhimapa. Hiyáhoni hisahi tkomlaka, tniklu, thanuru koxa tumluka, hnik-koxlu wale.

Gênesis 5:29

Rutakhiwakatlu Noé, wla htshinru: — Xyekni hapnanuhchinikankakanwu wkamrure tshinanu hiyrunu wimyokaka hamanre rapnankakanu, xye tshijiya Tsru Hixikatshriwa Hoyakalu hektuwaka tshinyawaka tshijneni.

Gênesis 8:21

Waneya Tsru Hixikatshriwa Hoyakalu hamluphatlu kihlephaholu waneya wane htshinnawa: — Hi nsaletanutnaklu tshiji yine tshinanu klu tshinanu yine hektuwaka tsonu ruchinikna hmatureyakawa hyinuwaka haté xawakni. Hi koxa napnokatanutnaklu ptowru hiwekatshri, hanu nixa hapnokatletanna mitshikawlunni.

Mateus 22:12

Waneya repomhalu: “Nimatletleru, hanu pixa jihlokleta hewi kihleru mkatshri mutakamtkatyi?” — Waneya hi ktokanru jeji.

Mateus 25:45

— Waneya ruhitanna, wla htshinanna: — “Halikakni wane ntshinhi, hma kamhanutu xyekaka nomolene haté mujhakot-potu tshinanu, hita tshinan-koxa hi hkamhalu.”

Lucas 19:22

— Waneya wla htshinru: “Hektutu towrertshiyi. Pixako ptokanuko nukolukkakanunyi. Pimatnohe jeji menekachalewakletu nixyawaka? Nma kamhanutuko nimwiywaka hiyrun-koxa mutakkatukno hamyawaka?

João 16:33

Xyekaka pirana nunkakatkahi kihle hchinikanurunephi hita tshinanu. Xye tshijne salewnikatshinephi. Seyni kihle hchinikanurunephi klu tshinanu xye tshijne namtakakatka.

Romanos 3:19

Seyni wimata Moisés yonreru tshinyawaka wan-tshinanwakatna Moisés yonreru pirana homkahitatshine. Wan-rixa klu tshinanu hike yineru himukata powratlexinwa seyni ptowru tshijne hajeneko hikolukanuwnatka Hoyakalu hetanuya.

Hebreus 6:8

Seyni tshiji, kona tsonu hiyrunu kawchipiri tsonu hiptshejyawaka rahnanutka. Hyoxijikowaka tsonu kihleylu halikaka.