Gênesis 3:15 - Bíblia

¹⁵ Himnu, xawakni pkamnitjeropni suxo, pixa koxa hahkanro wala. Hiyrun-koxa himnu piklopichane hahkanro wala hiyrun-koxa suxo klopichaneyma hkamnikakanna, suxo whene hiylajiwutanunyi seyni pixa hachkastsihjixitanru.

Gênesis 3:15 ပူးပေါင်းရင်းမြစ်များ

Gênesis 49:17

Dã himnu hatnu hapo kwakleru pixkalutupni, himnu kamaklewatatshripni yine yapawakle hapo hwatshripni. Cavalo jixi rachkatanu, hiyáhoni hjijrukanru cavalo tji yapatshri.

Mateus 1:23

“Suxo, jeji mapokmanetanutowa michiwatanu, twuhenetanru jeji, hhiwakatko Emanuel.” (Emanuel raluka tshinreta “Hoyakalu hixaymalu”.)

Mateus 1:25

Seyni tma matuwhenetkanu pchinika Maria hi rapokmanetlo José. Tmatkakatkalu mitshikananu toturu waneya rutakhiwakatlu Jesus.

Mateus 12:34

Himnu kamaklewatatshri pixkalunhi! Hixa hike kihleru himukata tshinreta hektutu hixyawaka tshinanu. Klu tshinanu namtshi yanumaxyalu hix-potu raji hajeru.

Mateus 13:38

Hsanni xye tshijne. Kihletatajiru wannakatkani Hoyakalu pohirewaxyawaka hayinetene. Kchana walekatkani Hoyakalu kamnitjeru hayinetene,

Mateus 23:33

Hixa himnu kamaklewatatshri pixka hixatshinhi, himnunerunhi. Hanhe hixa hasuklexinri salewaktshi nwaka hikolukanuwnayehixikolupa?

Mateus 3:7

Rexinixka João híxona fariseu-ne, saduceu-ne koxa hinanwakamtlu batiza-xikowak-yehi, waneya wane htshina: — Hixa himnu pixka hixatshinhi, katshinolunhi! Kathe hinkakhi hiwejyawaka Hoyakalu hapnokatle hinatshripa?

Marcos 16:18

Hiyrun-koxa ho himnu hkachixinna ho hisa rurinna hike rixanna. Hiyrunu yeyixatshine hoho rutakamyoxinna rutskalhanna.

Lucas 1:76

Hiyáhoni, noturu, Tsru Hixikatshriwa Hoyakalu, tenhohne hajeru tokanu hinkakletatshri ptshinko. Klu tshinanu pixa yihapamtanu Tsru Hixikatshriwa Hoyakalu hatnu hapote palpokoxyawakapa.

Lucas 10:19

Hjemanno. Nenekatkahi pixkontshi himnune hkatsrexyawaka, heklone koxa. Hike rixa. Nenekatkahi pixkontshi hkamnitjene mixkonu hiknojyawakapa. Hike himtukanhi.

Lucas 22:53

Hixayma nwakanata ptowru hohneruka. Hoyakalupji nasrukjekanaxyahi. Seyni hi hkachitno. Seyni xawakni hipapkolutkani Hoyakalu hitshixyawaklu hixa tshinanu. Xawakni pixkontshi mapchahawaka hwatshri papkolni.

Lucas 24:27

Waneya hyinuwaka hinkakletna Hoyakalu tokanu yonatkaluru pirana, Moisés yonreru hiyrun-koxa Hoyakalu tokanu hinkakletatshine yonrekananuko runkakna wane htshinakanaxyawakna waleko hipirana.

João 8:44

Hixa hirni, Tsru Kamtshi, hichpajikatshinhi. Hiyrunu hiru hikchikhihlenreru hektutu hkamhanu. Waleni jiylalewakleru hyinuwaklekananukawa. Halikakalutu pirana mimwakatni wale. Klu tshinanu hikeklu rimwatkalu halikakalutu pirana. Hweyawaxini, waleko hihchinikanu tshinanu wan-rixa. Klu tshinanu kayloklerni wale hiyrun-koxa ruyakotlu weyawlu.

Atos 13:10

Paulo wan-tshinru: — Pixa Satanás whenyi! Pkamnitlu ptowru halikakalutu. Katsepoyyi yokwijrewlu hiyrunu weyawlu. Hi he putukanu Hoyakalu tokanu halikakalutu pkoprotajyawaka weyawlu pikahwajyawaklu?

Romanos 16:20

Hiyrun-koxa Hoyakalu wapnanuhchinikankakjeru, xekoyaka hallitanru Satanás-pni. Hixa hakakanru. Nanjitlu Hoyakalu, Jesus Cristo hihlenu himatkalewkakanhi.

Romanos 3:13

Hiplamna hatatjewa yomletshi hihpukatshri. Hinruna hweyawaxyana tokantshi hipnakaklewatatshri. “Himnu kamaklewatatshri pixka rixa hinamna hichpajikatshri.”

Gálatas 4:4

Rapokhohnepotuxinixka Hoyakalu yokanatlu hituru, suxo hmatuxyatka Moisés yonreru homkahitatshrotkani.

Efésios 4:8

Wane htshina yonatkaluru halikakalutu mitshikawlur-pirana: “Teno potu ratskotatka. Kachitkalune hkosekamta, Yine reneka renekachaxikolna.”

Colossenses 2:15

Hiyrun-koxa tsrukakalune hiyrunu tsru hitakkalune himukatle konko. Rumukatlena hkonyana Cristo cruz-ya. Wanna ramtakkakanune rekhita ptowruko hetanu rimathexikowaka ramtakkakatkana.

Hebreus 2:18

Hiyáhoni xawakni Jesus himukata hepixletna yohnitkalune klu tshinanu wale potuko hyohnitka hsalewnatka mitshi.

Hebreus 5:7

Jesus xye tshijne rawakanaxini, tsru saplewlu hiyrunu tshiyahluyma ranjihohneta hiyrunu ranjitlu Hoyakalu hipuktshi hma kayaxyawakanumkapa. Hoyakalumka yijnakotlu klu tshinanu Jesus kahwakpirurumkani, ptowutkolmakni.

1 João 3:10

Wane wixa himathetletanna Hoyakalu whenene, kamtshi whenen-koxa: Ptowru yineru potuknutshi mkamhakatu, ho Cristo tshinanu hmoletanru hma muchinikkanuklunru katuktako, wale hi Hoyakalu matkaklerni wale.

1 João 3:8

Ptowru yineru hektuwaka kamhatshri, kamtshinerutkani. Klu tshinanu hyinuwaklekananuko hmajnakowata kamtshi. Hiyáhoni xye tshinanukni ruphujewnapa Hoyakalu Whene, hnikaxyawakaplu kamtshi kamrure.

1 João 5:5

Katnihe xye tshijne hallitatshri? Xye tshijne hallitatshri waleni Jesus, Hoyakalu whene rixyawaka pirana halixatshri.

Apocalipse 12:17

Waneya himnu tshinkaluru hahnanuwatatka suxo tshinanu. Hiyáhoni hya hkamnixyawakapna pimrine toklopichane, Hoyakalu tokanu towre hiyrunu halikakalutu pirana Jesus hiphujetleru pirana homkahitatshine.

Apocalipse 13:7

Himukatlu renekka Hoyakalu nurrene ralixjene hkamnixyawakapa, rallixyawakapna. Hiyrunu towuwlu renekka ptowru nerune, ptowru nrukaka yanumatatshine hiyrunu ptowru tshijne hajene htowuxyawakapa.

Apocalipse 2:10

Hi hpikanru salewaktshi hix-yehi hapokatshripa. Hjemanu! Halikaka tsru kamtshi Satanás satkaka hixa preso rutakjixanu hyahoxikowakapa. Dez hohne pejnu hsaletko. Seyni hi hihrokahchinikanutanu yahmaklu hipnanu. Waneyapa phuru hitakjetanru pixkalutu sahyi nenekanhi hiweklu heneklewatatshri.

Apocalipse 20:10

Waneya Tsru Kamtshi hyokwijetjerna tshitshmero powha, enxofre yehi hitokote, ruknokkatka, kmatsyiru hiyrunu hoyakalu tokanu hinkakletatshri minje hwiywaka potuko. Wane hsaletpotuxíkona hohohne, hoyetshno hike rixiniko mnikawnakatupa.