Gênesis 28:2 - Bíblia

² Padã-Arã tshinikowaka nwaka pyanu. Betuel tshinkaluru, punro hirupji nwaka pyanu waneya waneko suxo Labão tshinkaluru, punro mole whene phanunrotanu.

Gênesis 28:2 ပူးပေါင်းရင်းမြစ်များ

Gênesis 24:10

Waneya towrertshi hwaplu dez camelo htowutjeru prane hiyrun-koxa rutsrukate hejnunkate kihlekakalu ranikamta klu tshinanu walekni rutsrukate hejnunkate ptowruka towutatshri. Waneya hyatka Mesopotâmia tshijne Naor hwiywaka poktshi nwaka hyatka.

Gênesis 24:29

Twu Rebeca tshinkaluro kamólero Labão tshinkaluru. Xyekni hichpakatka, rasukamtatka hyoptoxyawakaplu jeji hakophastsi hwakanatatshri.

Gênesis 24:4

Naluklu ptshinamxyawakno ntshijne potuko pyanu nomolene nwaka suxo pwapyawakapa noturu Isaque hhanunroxyawakaplo.

Gênesis 24:50

Waneya Labão hiyrun-koxa Betuel hihitlu, wla htshinruna: — Xye Tsru Hixikatshriwa Hoyakalu kamhalerni hiyáhoni hi wumukata kihlewaka tshinretyi hi koxa wumukata hektuwaka tshinretyi.

Gênesis 25:20

Waneya Isaque quarenta mhaletkalu hhanunrotlo Rebeca, Betuel whene, arameu-neru whene, Padã Arã tshijne hajeru, hiyrun-koxa Rebeca Labão arameu-neru-mole piranni.

Gênesis 28:5

Waneya Isaque-yma runhakakna Jacó. Hiyáhoni Jacó yatka Padã-Arã tshinikowaka nwaka Labão tshinkaluru, Betuel tshinkaluru whene nwaka, Jacó, Esaú hinro mole nwaka hyatka.

Gênesis 29:1

Waneya Jacó yatnaka, hyakananumta haté Mesopotâmia tshinikowaka rapoka.

Gênesis 31:18

Hiprane ptowruka ranikatka, rejnunkate rapatjereru ranikatka, pratshine ptowruka Padã-Arã tshinikowaka hkayaxinritka ranikatka ruru nwaka, Canaã tshijne nwaka hyiywakapa.

Gênesis 32:10

Seynimka hita hi hijhakalurpotno pepixle tshinanuya, hi napkaplu halikakalutu pirana puphujetleru hita ptowrerno yehiya. Klu tshinanu hit-mitshi Jordão wenne nkopruhaxyatka nkanojereymatka tsonu seyni xawakni hepi xkehi mnutkano.

Gênesis 33:18

Padã-Arã tshinikowaka ruchpajiniklunutka Jacó, Siquém poktshi rapokatka Canaã tshijne hwatshri. Waneya wale poktshi yoptowaka sreta hpokowaxyatka.

Gênesis 35:9

Waneya Jacó Padã-Arã ruchpajiniklunukananuko Hoyakalu hakanhayehitatnaklu waneya kihlewaka htshinanwakatlu Jacó.

Gênesis 46:15

Lia tshinkaluro whenene jejine wane pnute towhene Diná tshinkaluro tmatkajyatkalu Jacó Padã-Arã tshinikowaka tshijneya nyikatkani wanna. Hiwhenene Lia matkaklen-pejnu trinta e três.