Gênesis 28:14 - Bíblia

¹⁴ Pixa klopichane ksatuji pejnupna; rupalatanna ptowru sretako. Pixa tshinanu, Jacó, piklopichane tshinan-koxa ruhlehchinikanyehitkona ptowruneruka tshij-hoho hwatshine.

Gênesis 28:14 ပူးပေါင်းရင်းမြစ်များ

Gênesis 12:3

Katukta hihlehchinikanutanyi pixa Hita hihlehchinikanutanna wanna hiyrun-koxa katukta hektuwaka htshinanwakatyi pixa Hit-koxa hektuwaka ntshinanwakatna wanna. Ptowru neruka xye tshiji hajene hihlehchinikanutka pixa tshinanu.

Gênesis 13:14

Ló hitspalaxinixkalu Abrão pnut-hohne Tsru Hixikatshriwa Hoyakalu wla tshinru Abrão: — Xawakni peknojtatanu pyopkajyawaka pokoya.

Gênesis 13:15

Klu tshinanu xye tshiji psoluko petleru nenekanyi pixa, pixa klopichane koxa, hikeklu hohne mnikawnakatupa.

Gênesis 13:16

Nkamhanru piklopichane ksatuji pejnu rixyawakapna hiyáhoni satu yineru poyaho hitakyahokletkamkalu ksatuji waneya pixa piklopichane koxa poyaho hitakyahokletko.

Gênesis 18:18

Klu tshinanu Abraão honukla hixo neru hirupni hiyrunu himukatatshripni hiyrun-koxa ptowru tshijne hajeru kihlewaka htshinkona wale tshinanu.

Gênesis 22:17

Hita halikaka nuhlehchinikanutanyi hiyrun-koxa nkamhanna pixa piklopichane katahiri tenhohne hajeru pejnu rixyawakapna, hiyrunu ksatuji mar powha wnahlu hajeru pejnu rixyawakapna. Piklopichane konpoklutanna hkamnixjene.

Gênesis 22:18

Hiyrun-koxa piklopichane tshinanu kihlewaka ntshinanwakatanna ptowruneruka tshij-hoho hwatshine hihlehchinikanutko klu tshinanu ntokanu pomkahitatka.

Gênesis 26:4

Piklopichane nixolewkakanu katahirine tenhohne hajene pejnu nixkakanna hiyrun-koxa nyi tshijnekaka ptowruka nenekanna. Ptowru tshijne hajene hepixko pixa klopichane tshinanupa.

Gênesis 32:12

Seyni mitshi pixa wan-tshinno: “Kihlewaka nkamhinyi. Ksatuji mar powha hwatshri pejnu pixka nixkakanyi, ptshinno mitshi hixolunpotpakyi mpoyaho hitakyahoklexikowakanu pejnupyi.”

Gênesis 48:16

Hiwejikaluru tenhohne hajeru nepixjeru ptowru hektutu niknohkakjeru nanjita kihleru rixyawakapna maklujine. Hita hiwaka hhiwakaxikolupna hiyrun-koxa nurunni hiwakkaka Abraão-ni, Isaque-ni hhiwakaxikolupna. Htseruxikowakapna hixolune rixikolupna tshiji hanikajiteya.

Gênesis 48:19

Seyni ruru hi kajnakotka. Wla htshinru: — Ha noturu nimatmaka. Wale koxa pa neru ptohi hixikowakapa yineru tsru kahwakpiratkalurupni seyni repuru wale yohnika tsrunupni. Wale whenene hixo nerune hakanhinri.

Mateus 8:11

Wane ntshinhi hixolune yine hinanu, tkatshi hichpajyawaka sreta, rimxijyawaka sreta, ruchpajinna. Nikjexikowak-yehi tenhohne pohirewaxyawaka hwatshri htuplatanna Abraão-ni, Isaque-ni, hiyrunu Jacó-niyma tenhohne pohirewaxyawaka.

Atos 3:25

Hipirana psoluka Hoyakalu hinkaklexyana Hoyakalu tokanu hinkakletatshine hix-koxa runkaklexyatkalu. Hix-koxa hkojireta Hoyakalu, Hoyakalu hkojirexinnina hixa hitsrukatenni wane htshinniru Abraão-ni: “Ptowru tshijne hajene hihlewahchinikanyehitko piklopichane tshinanu.”

Gálatas 3:16

Hoyakalu hinkakle pirana, Abraão hiyrunu Abraão klopichane tshinanu runkakletlu Hoyakalu. Halikaka tokantshi yonatkaluru wan-tshina hi hiklopichane tshinanni htshina, hi hixolune hkochtsheka seyni hiklopicha htshina satupka hkochtsheka. Piklopicha tshinanni htshina. Waleni Cristo.

Gálatas 3:8

Hoyakalu tokanu yonatkaluru hinkakletahnaputlu judeu mixkane halixlu tshinanu hpowratkona Hoyakaluya. Hiyáhoni hma makanhaknuklunuwa kihle piranalu potuko hiwekkaklewatatshri pirana yonatkaluru wan-tshinanwakatlu Abraão: “Pixa tshinanu Hoyakalu hihlewahchinikanyehitna ptowru tshijne hajeneko.”

Efésios 1:3

Himalwutkalurni Wutsrukate Jesus Cristo Hoyakalute, himalwutkalurni Wutsrukate Jesus Cristo Hiru. Hoyakalu honra ptowru hixatshri kihleru wiwejinri tshinanupa tenhohne hwatshri heneklewatatshri, hixa Cristo-ymalunwu tshinanu.

Apocalipse 7:4

Waneya njemlu hi pejnu himaxikoletkalune hwa. Cento e quarenta e quatro mil himaxikoletkalune pejnu pa neru pejnu kananu israel-nerune.

Apocalipse 7:9

Waneya wane wkatanu netatnaklu, netna yine hixolun-potu, mpoyaho hitakyahokletkone. Wannani ptowru tshijne hichpajikatshine, ptowru neruko, kakoje neruru hiyrunu ptowru nrutshi. Pohirtshi tuplawaklestsi hiyrunu Carneiro Whene tshinkalurustsi hyopkakakanatna. Mkatshri hopowalu klatalu makatatshine. Kasureru ranikamtna himyoyna.