Gênesis 28:12 - Bíblia

¹² Waneya wane rupnawaxyatka, escada rupjeta tshiji hyopkaka, escada jiwu tenhohne hapoka; escada hyapakanatna Hoyakalu anjo-tene, ratskotna, hserpikna.

Gênesis 28:12 ပူးပေါင်းရင်းမြစ်များ

Gênesis 15:1

Wane pnute xyekaka Tsru Hixikatshriwa Hoyakalu tokanu hapyehitlu Abrão, satu rupnawleya waneya wane htshinru: — Hi ppikanu, Abrão. Hita pixa hinokakaklu himaletyehitatshrino hiyrunu pixa tsru pumlujikolu yoptotatshripyi.

Gênesis 15:12

Rimxikpiraxinri tkatshi, hi rakota hixapneta Abrão waneya mapchahalu tsru hamlehtaklewatatshri hapyehitlu Abrão.

Gênesis 20:3

Seyni Hoyakalu yanwakatlu Abimeleque rupnawleya waneya wla htshinru: — Pixa halikaka hipnatshripyi klu tshinanu suxo pwapjixlero wala honukla khanururo.

Gênesis 41:1

Waneya hepi mhale hiknohinixka tsru phuru Faraó hipnawatatka. Rupjetlu Nilo wennestsi hyopkakakanaxyawaka tsru phuru Faraó.

Mateus 1:20

Seyni wane ruchinikanretakanatawa satu hiwejikaluru Tsru Hixikatshriwa Hoyakalu towreru tenhohne hajeru hakanhayehitlu José rupnawleya. Waneya wane htshinru: — José, Davi whene, hi pkojwakahchinikanutanu Maria pipji panijyawakapa, phanunro tixyawakapa. Klu tshinanu Hoyakalu Hiwejikaluru tshinanu tmichiwata.

Mateus 2:19

Waneya rupninixka Herodes waneya hiwejikaluru Tsru Hixikatshriwa Hoyakalu towreru tenhohne hajeru hakanhayehitlu José rupnawleya, José Egito tshijne rawakanaxini.

João 1:51

Waneya wla htshina: — Halikakni, halikakni wla ntshinhi pa hohne tenhohne hitpukatshri hetanu hiyrunu hiwejikalune Hoyakalu towrene tenhohne hajene hetanu hatskomtatshine, serpikamtatshine Jeji Whene tshinkaluru hohowaka yapamtatshine.

Hebreus 1:1

Mitshikawa Hoyakalu hixo kata hiynumatnina judeu hitsrukatenni hiyrun-koxa kakoje hiphujewnale rixa hiynumsaletnina judeu hitsrukatenni Hoyakalu tokanu hinkakletatshinniya.

Hebreus 1:14

Hi he wanna ptowruneka hiwejikalunetkani, Hoyakalu towrenni, hyokananrenni repixyawakapna hiweklu heneklewatatshri pirana halixatshinepa? Hehe.