Gênesis 28:1 - Bíblia

¹ Hiyáhoni Isaque tomhalu Jacó. Kihleru htshinanwakatlu waneya htowutlu: — Hi phanunrotanro suxo canaã-nero.

Gênesis 28:1 ပူးပေါင်းရင်းမြစ်များ

Gênesis 24:3

Ptshinanno Tsru Hixikatshriwa Hoyakalu tshiji Hoyakalute, tenhohne Hoyakalute koxa hiwakaya hi xako pwapanro suxo hewi canaã-nerune nero whene nwatkalrene whene hhanunroxyawakaplo, noturu Isaque.

Gênesis 24:37

Ntowutjeru yokanatno wla htshinno: — Hi xako pwapanro suxo canaã-nero nwajexyawaka tshijne hajene hhanunroxyawakapa noturu.

Gênesis 24:4

Naluklu ptshinamxyawakno ntshijne potuko pyanu nomolene nwaka suxo pwapyawakapa noturu Isaque hhanunroxyawakaplo.

Gênesis 27:4

Waneya nikalhitujpa nannaleru potuko pkamhinno. Wale panijinno nnijyawakako kihleru pirana nunkajinyi nupnale hnapu.

Gênesis 27:46

Waneya Rebeca wla tshinru Isaque: — Hete-neru whenene suxone kojwaklu niwejinri. Hiyáhoni Jacó hanunroxiniplo sato hete-neru whentnaka, xye tshijne hajero, hikeklu poyikpatkanno.

Gênesis 28:6

Hiyáhoni rexinixka Esaú, Isaque kihlewaka htshinanwakaxyawaklu Jacó hiyrun-koxa Padã-Arã tshinikowaka nwaka hyokanaxyawakatkalu Jacó, wane hnurtapyawakaplo suxo waneya hiyrun-koxa rimaxinixka kihleru htshinanwakaxyawakatkalu, wla htshin-towutletlu: — Hi phanunrotanro suxo canaã hajeru whene.

Gênesis 34:16

Wane hixini waneya wenekanhi hixa whenene suxone hhanunroxyawaka hiyrun-koxa hixa whenene suxone whanunrotanu. Hixayma wwanu hixa. Pa nerupka wixinwa.

Gênesis 34:9

Waneyakni witshikajini. Hixa whenene suxone henekanwu hixa hiyrun-koxa wwuhenerone hnurutanhi hixa.

Gênesis 38:2

Judá hetlo sato suxo canaã-neru whene Suá tshinkaluro. Hhanunrotlo.

Gênesis 48:15

Waneya kihleru htshinanwakatlu José, wla htshinru: — Nanjitlu Hoyakalu nurunni Abraão-ni, Isaque-ni homkahleru, nohlutjeru niwejinri pchinika haté xawakni,

Gênesis 49:28

Nyikaka doze xkehna israel-nerune. Xye tokantshi tserutlewatatshri htshinanwakatna rurna. Satkaka yoptotatkalu waleko htserutjeru pirana ruru tserupiranaxyana.

Gênesis 6:2

Waneya Hoyakalu whenene hetna jeji whenene suxone, kihlekakna. Hiyáhoni hhanunrotna satkaka ralukanrone potuko.