Gênesis 27:41 - Bíblia

⁴¹ Waneya Esaú hahkalu Jacó. Rahkalu klu tshinanu ruru hihlehchinikanyehitlu Jacó. Waneya wla htshinahchinikanuta Esaú: — Hi howukchini ktetshipni nurupni hipniywaka tshinanu waneya wane pnute nuylatanunru nepurupni Jacó-pni.

Gênesis 27:41 ပူးပေါင်းရင်းမြစ်များ

Gênesis 27:42

Waneya Rebeca timaxinixka tsrujru toturu, Esaú tokanu tjeminixka, tepuklu toturu hepurtshi, Jacó waneya wla ttshinru: — Pinkalu Esaú haluka hiylaletanyi wane rixa halpokolehchinikanuxnawa.

Gênesis 32:11

Hiyáhoni xawakni nanjityi pepixyawakapno, pkochpakanno nomole Esaú myoya. Klu tshinanu npiklu klu tshinanu pa katako runanu hita ruylaxyawakapa hiyrun-koxa runrona ymakananu mturune ruylatanu.

Gênesis 32:3

Waneya Jacó runamxyawaka pirana hinkakletatshine hyokanata hkosejyawakapna himole Esaú nwaka, Seir tshinikowaka, Edom tshijne hwatshri nwakaya.

Gênesis 32:6

Waneya wale pirana hanikatshinemka satokatka Jacó nwaka waneya wla htshinatkaluna: — Pimole Esaú nwakamka wapokatka seyni wale koxa pixa nwaka hyamta hyoptoxyawakapyi jejineyma, quatrocentos pejnu.

Gênesis 35:29

Rupnanatka Isaque-ni. Rutsruknu potuko kamakatanru. Rutsrukatenniyma rapatjetatka. Waneya hiwhenene Esaú, Jacó kapnatanru.

Gênesis 37:18

Howukako retapyaluna José waneya hi rapokawa José htshanixkakatkana ruylaxyawakapluna.

Gênesis 37:4

Waneya rexinixkaluna himolene José wanna ptowruneka yohnika hamotle rixlu ruru, rahnanutluna José hiyáhoni hike tokantshi kihleru rumukata tshinretluna José.

Gênesis 37:8

Waneya wane htshinruna himolene: — Pukchikluhe ptowrexyawakapwu? Halikaklahe wtowutjeryi pixinwa? Hiyáhoni rupnawle tshinanu hiyrunu ptowruka htshinyana tshinanu yohnik-rix-hahkaletluna.

Gênesis 50:15

Waneya José molene hexinixkalu rurnina hipniywakatka wla htshinatkana: — Xawakni pa katako José hahnanutanwu, wale hetko hapnutanwu hektutu ptowruka wkamhiywaklu tshinanu.

Gênesis 50:2

Waneya kpinrewaklerune htowrene htowuta hpinimanexyawakanruna hma mujpahiywakanunapa rurni Israel. Waneya hpinitluna hma mujpahahapkaxyawakanupa.

Tito 3:3

Klu tshinanu hix-koxa mahchinikanunekananwu mitshikananu. Hektuwaka kamhatshinekananwu, pupjetatshinekananwu. Ptowru hixatshri xye tshiji halukanru hiyrunu poyikowlu womkahjekanata. Hektutu womkahjekanata, wet-sotanrewjekanata. Wahnanuwjekanata. Hixkakluko wahnanutkakjekanata.