Gênesis 27:4 - Bíblia

⁴ Waneya nikalhitujpa nannaleru potuko pkamhinno. Wale panijinno nnijyawakako kihleru pirana nunkajinyi nupnale hnapu.

Gênesis 27:4 ပူးပေါင်းရင်းမြစ်များ

Gênesis 14:19

Kihlewaka htshinru Abrão, wla htshinru: “Kihle hchinikanuplu Abrão, htshinyi Tsru Hixikatshriwa Hoyakalu, tenhohne, tshij-koxa towutatshri;

Gênesis 24:60

Kihlewaka htshinanwakaxyawaklona wla htshinatkalona: “Pixni wimole suxyi hiyáhoni xawakni hixolune potu hakanhakakatshropyi, yinepa hixo mil kata mil hakanhakakatshropyi. Hiyrun-koxa pkamnitjenemka htowutanna piklopichanepa!” — htshinrona.

Gênesis 27:14

Hiyáhoni hyatka pratshine ranijyalo runro. Waneya runro nikalhitujpa ponikolu ruru hannaleru potuko tkamhatka.

Gênesis 27:17

Waneya nikaluhitujpa tkamhaleru ponikolu teneklu, pão koxa teneklu. Toturu Jacó-myo tutaklu.

Gênesis 27:19

Waneya Jacó wla tshinatkalu ruru: — Hitni piwhene Esaú mitshikananu matutatshrino. Panjixyawakno nkamhatka. Hiyáhoni xawakni ppalnanu hewitshi ptuplatanu kchoteru hitni nkamhalerujpa pnikanu kihleru ptshinaywakapno paluka tshinrexyawakno ptshinanno.

Gênesis 27:23

Hiyáhoni hi rimata hojirewata Esaú hma mixyawakanu klu tshinanu kapiximyonotlu himole Esaú myonota pixka. Hiyáhoni Isaque kihleru htshinanwakatlu.

Gênesis 27:25

Waneya wla htshinatka: — Noturu panikanwakaxyano kchoteru hitu pkamhalerujpa nnijyawakaplu, kihleru pirana ntshinanwakaxyawakapyi. Waneya ranikatkalu wale nwaka. Hniklu. Hiyrun-koxa vinho-ha ranikanwakatlu. Wale koxa ruratka.

Gênesis 27:27

Waneya walestsi potuko hyatka. Ramlutlu ruru. Ruru hamluphatlu himkalu hiyáhoni kihleru htshinanwakatlu, wla htshinru: “Ha noturu pixapha campo-pha pixka htshinaphata, Tsru Hixikatshriwa Hoyakalu campo hnurreru pixka pixa.

Gênesis 27:31

Wale koxa hijpatewatatka. Ruru nwaka ranikatkalu waneya wlamka htshinru ruru: — Ppalnanu papa, kchoterni piwhene hiwlale pnikanu, kihlewaka ptshinyawakapatkano.

Gênesis 27:5

Seyni Rebeca jemlu Isaque riynumsaxyawaklu hituru Esaú. Waneya Esaú campo nwaka hyatka kchoteru rujhapyawakapa ranijyawakaplu.

Gênesis 27:7

Wla htshinatkalu: “Kchoteru pujhapinno waney-xako pujpatexinno ponikolu nnijyawakapa kihle piranalu ntshinyawakapyi Tsru Hixikatshriwa Hoyakalu hetanuya nupnale hnapu.”

Gênesis 27:9

Pratshine nwaka pyanu hepi cabra whenene kihlerune panijinno. Wale nkamhinru puru nujpatexinri ponikolu puru hannaleru potuko.

Gênesis 28:3

Hoyakalu Ptowru Potuko Himukatatshri hepixanyi, rixoletanyi, hixolunepyi, hixo nerunepa rixkakanyi.

Gênesis 48:9

Waneya José hihitlu, wla htshinru: — Nyi nowhenene jejine Hoyakalu henejyano hewi tshijneya. Waneya Israel wla tshinru: — Panikanna hita nwaka kihleru ntshinanwakaxyawakapna.

Gênesis 49:28

Nyikaka doze xkehna israel-nerune. Xye tokantshi tserutlewatatshri htshinanwakatna rurna. Satkaka yoptotatkalu waleko htserutjeru pirana ruru tserupiranaxyana.

Lucas 2:34

Waneya Simeão hihlehchinikanutatkana, waneya wane htshinro Jesus hinro: — Xye mturu Hoyakalu nurrerni, ramtakkajyawakanapna hixolunepni hiyrunu riwekkajyawakna hixolune israel-nerune. Xye mturu Hoyakalu hekhirewleni seyni hixolune yine hapatanru.

Lucas 24:51

Waneya wan-rixakanatawa, ruhlehchinikanyehitka pchinikna, wanna yehi hkochtshejikatka. Tenhohne ranikkatka.

Hebreus 11:20

Halixlu tshinanu Isaque mitshi kihlewaka htshinanwakatlu Jacó hiyrunu Esaú. Hinatshripa pirana runkaklexyana.