Gênesis 27:29 - Bíblia

²⁹ Pepixko yineya hiyrun-koxa tshijnekaka hajene yoptsojityehitanyi. Pimolene ptowutanu, rapokanna punro whenene, hyoptsojiyehitanyina. Hiylatkalurupni ptowru yineru pkamnitjerupa seyni ptowru neruka pepixjerupa repixko.”

Gênesis 27:29 ပူးပေါင်းရင်းမြစ်များ

Gênesis 12:3

Katukta hihlehchinikanutanyi pixa Hita hihlehchinikanutanna wanna hiyrun-koxa katukta hektuwaka htshinanwakatyi pixa Hit-koxa hektuwaka ntshinanwakatna wanna. Ptowru neruka xye tshiji hajene hihlehchinikanutka pixa tshinanu.

Gênesis 25:33

Seyni Jacó wan-tshinru Esaú: — Hike seyni punkaklexinno. Hiyáhoni Esaú hinkakletlu waneya mitshikananu matutatshri kaylerumkapa ritshixyatkalu.

Gênesis 27:30

Waneya wla rixa hakanhaletatka. Hajeyri kihlewaka rali tshinretawalu Jacó, hajeyri ruchpajinixka Jacó, ruru Isaque yehiya, rapokatka himole Esaú yahkapatshri.

Gênesis 27:37

Waneya Isaque hihitlu, wla htshinru: — Haha hetanu ptowutjeru rixyawakapa neneklu hiyrun-koxa himolene ptowruneka neneklu htowrerune rixyawakapna. Hiyrun-koxa honantshiyma ntseruxyatkalu vinho-ha ymakananuko. Hiyáhoni xawakni klunerhe hixetatshri nenekanutkayi pixa?

Gênesis 27:40

Hiyrun-koxa pyohlolewapre heneka hiwekletanyi. Pimole towutanyi seyni hixko pixinipa pjiknahanru wunuwapije pinoji hwatshri.” (Xye pirana yapkaklunni.)

Gênesis 37:10

Waneya José hinkajinixkalu ruru, himolen-koxa, ruru hijretlu wla htshinru: — Klu koxhe pupjejeta pixa? Halikakpaklahe wyanwakatanyi hita, punro, pimolen-koxa hyonohyehixyawakapyina haté tshiji potuko?

Gênesis 37:7

Hitaklu wapatjekanata, wostujekanatlu campo-ya waneya nostuptaleru yopkaka hipnata, hyotunotatka seyni hixa hostuptaleru mkoje hapyehitlu nostuptaleru, hyonohiyehitluna nostuptale.

Gênesis 9:27

Hoyakalu tserutkakanru Jafé tshinkaluru tshijne hiyáhoni Sem lona-pjikaka rawjetanu Jafé hiyrunu Canaã htowutanna.

Mateus 25:40

— Waneya pohirtshi hihitanna, wla htshinanna: — “Halikakni wane ntshinhi, xyekaka hkamhiniklunna nomolene haté mujhakot-potu tshinanu hkamhinri, nkahwaklu hita tshinanu hkamhalu.

Mateus 25:45

— Waneya ruhitanna, wla htshinanna: — “Halikakni wane ntshinhi, hma kamhanutu xyekaka nomolene haté mujhakot-potu tshinanu, hita tshinan-koxa hi hkamhalu.”

Apocalipse 19:16

Hiyrun-koxa himkalu hiyrunu hitpali raw-yonhata. Wla htshin-yonhata: “Pohirtshine Pohire hiyrunu tsru hixikatshinwa Hitsrukatni.”