Gênesis 26:7 - Bíblia

⁷ Waneya jejine wane hajene Isaque hnunro repomhayehitluna. Seyni wale wla tshina: — Walakni nomole. Hpika hinkakletna hhanunro tixyawaka klu tshinanu waleho jejine wane hajene hiylatanru wale Rebeca hikoluklu tshinanu klu tshinanu kihlero potukni Rebeca.

Gênesis 26:7 ပူးပေါင်းရင်းမြစ်များ

Gênesis 12:11

Egito tshijnestsi rapojinixka hi howukatkalu, Abrão wan-tshinro hhanunro Sarai: — Petanu, nimatyi pixa kihleyi.

Gênesis 12:13

Hiyáhoni wane ptshininwa repurno, waneya ramotannona pixa tshinanu hiyrun-koxa kihlewaka hkamhinnona pixa ramotle tshinanna. Hiyáhoni hi ruylatannona.

Gênesis 12:15

Waneya rexinixkalona Sarai Faraó yehi towrerune runkakluna Faraó kihle potuklo Sarai htshinruna; waneya ranikatkalona Sarai Faraó yehi twiywakpatka.

Gênesis 20:11

Waneya Abraão wla tshinru: — Halikaka nkahwakatkalu hewi hike kahwakpiraxyalu Hoyakalu hiyáhoni ruylatanona nhanunro hkonyawakapnona.

Gênesis 20:2

Waneya Abraão wan-tshinyehitlo hhanunro Sara: — Walani nomole suxo. Hiyáhoni Abimeleque, Gerar tshinikowaka pohire hwapjixatkalo Sara.

Gênesis 20:5

Klu tshinanu hi he wale potuko wan-tshinatkano repuro tixyawaka? Hiyrun-koxa wala potuko wan-tshinno tomole rixyawaka. Xye nkamhatka seyni hi hektutu chinikantshiyma wane nixa hiyrun-koxa hi hektutu nkamhapirle tshinanu wane nixa.

Gênesis 24:16

Makloji kihle hojiro potukoni, jeji mapokmanetanutowa. Walakni yopikatka hakopha nwaka hachhaji tsepohatlu waneya tkankatka.

Gênesis 26:6

Hiyáhoni Gerar tshinikowaka rawatka Isaque.

Gênesis 26:8

Waneya hix-hohne hiknohinixka wane rawyawaka Isaque, Abimeleque tshinkaluru filisteu-nerune pohire hiphaptoswa rimtathiya retlu Isaque hisalwamtlo hhanunro Rebeca.

Gênesis 29:17

Lia tshinkaluro kihle swahayhalerni seyni Raquel kihle manero, kihle hojiro potuko.

Mateus 10:28

Hi hpikanna mantshi hiylatatshine seyni hiwejinri hi rumukata hiylaletna. Seyni halikaka hpikanru Hoyakalu hix-mane, hiwejinri koxa hakot-hiylaletatshri waneya wane pnute tshitshmero ruknoklewata.

Efésios 5:25

Hixa jejinhi hamotanna hhanunrone, Cristo pixka. Cristo hichinikna hapatjetatshine Cristo halixatshine. Hiyáhoni renejnawa rupniywaka wanna kachrijru.

Colossenses 3:9

Hi hyokwikakanu. Klu tshinanu hixa hiknokatkalu mitshikananu hixantshi hkamhajekanatanruymakananuko.