Gênesis 26:31 - Bíblia

³¹ Waneya wale prika, yetshpotukawa ruptekna, kihle hwachalu runkakkakna. Waneya Isaque yokanatna hyiywakna hiyáhoni kihle hchinikanurune ruchpajyatkana Isaque yehiya.

Gênesis 26:31 ပူးပေါင်းရင်းမြစ်များ

Gênesis 14:22

Seyni Abrão hihitlu: — Nyotukamyoyehitanru Tsru Hixikatshriwa Hoyakalu tenhohne potu hajeru, tenhohne tshiji koxa kamhatshri;

Gênesis 19:2

Waneya Ló wan-tshina: — Nutsrukatene, hinamtanu nopjitshi wyanu, wane himjini, herojixitanu waneya yetshikawa yetshpotukawa hyanutka. Seyni wanna wan-tshinru: — Hike seyni tsru poktshi hanikajiteko phujewaka wumjini.

Gênesis 21:14

Waneya Abraão yetshpotukawa ruptekatka. Pão hiyrun-koxa honha kastonolu honha hwatshri hkochtsheka, wale reneklo Agar. Xyekaka wala rutjikakatka, mturu reneklo waneya hyokanatlo tyiywakapa. Hiyáhoni tyatka mayinerewakanu, popriwaka Berseba tshinikowaka tyotaljechaxyatka.

Gênesis 21:23

Hiyáhoni xawakni wane ntshinanyi hikeklu hohne pkamnitanno hita, hi noturuko pkamnitanu, hi hiklopichaneko pkamnitanu. Hike nma mixjekanaxyawakanyi pixka pixanno hita hewi pwajekanatka pchinika pixka pixanno hita. Hiyrun-koxa wane pixanru xye tshijne pwiywakatka.

Gênesis 21:27

Waneya Abraão ovelha-ne rawapa, boi-ne rawap-koxa waneya Abimeleque reneklu. Wane hixatshine pa pirana ritshinkakna.

Gênesis 22:3

Waneya wale prika yetshpotukawa ruptekatka Abraão. Hiprane jumento-ne ralpokotatka. Ranikamtna waleyma hepi htowrene hiyrun-koxa hituru Isaque. Rali hitshimletatka hpoyahtapyawaka mukata hjimlewaxinripa hyatka. Abraão yanwakatlu Hoyakalu tshinyawaklu mriji nwaka.

Gênesis 25:33

Seyni Jacó wan-tshinru Esaú: — Hike seyni punkaklexinno. Hiyáhoni Esaú hinkakletlu waneya mitshikananu matutatshri kaylerumkapa ritshixyatkalu.

Gênesis 26:32

Waneya wale hohneko Isaque towrerune hapokatka, runkakluna hakopha teno pnalu hjitolerna pirana. Wla htshinruna: — Honha wukchikatka.

Gênesis 31:44

Hiyáhoni xawakni wtshinkakanu pixa, hitayma. Xye wtshinkajyawakapa walepni satu wimetjeru pixa, hitayma.

Gênesis 31:55

Waneya wale prika yetshpotukawa hpalnatka Labão. Himekahyone ramlutatka hiyrun-koxa hiwhenerone ramlutatka, kihleru piranalu htshinna waneya Labão yatka rawyawaka nwaka.

Hebreus 6:16

Klu tshinanu yine hasruhlu wanna pnute himukatatshri hiwaka hkochtshejyawakna ralixpotuxikolupa runkakle piranna. Hiyrun-koxa runkaklexyahi tshinanu hnikatko hikoluklewatatshri.