Gênesis 26:3 - Bíblia

³ Wane tshijneko pwanu. Wane pixini pixaymapno, nepixanyi. Klu tshinanu nyi tshijnekaka ptowruka nenekanyi pixa hiyrun-koxa pixa klopichane nenekanru nyi tshijnekaka ptowruka. Hiyrun-koxa nunkajyatkalu puru Abraão-ni pirana mitshi nixanyi pixa.

Gênesis 26:3 ပူးပေါင်းရင်းမြစ်များ

Gênesis 12:7

Seyni Tsru Hixikatshriwa Hoyakalu hakanhayehitlu Abrão waneya wane htshinru: — Pixa klopichane nenekanu xye tshiji. Waneya wane hkamhiylu Abrão satu altar Tsru Hixikatshriwa Hoyakalu tshinanu rakanhayehitjeru.

Gênesis 13:15

Klu tshinanu xye tshiji psoluko petleru nenekanyi pixa, pixa klopichane koxa, hikeklu hohne mnikawnakatupa.

Gênesis 13:17

Ppalnanu pixa, xye tshiji psajrukanu rowuknu htsernu koxa klu tshinanu nenekanyi.

Gênesis 15:18

Wale hohneko Tsru Hixikatshriwa Hoyakalu hchinkapkaklu Abrão wane htshinru: — Pixa klopichane nenekanru xye tshiji haté Egito wenne ruchpajya haté tsru wenu Eufrates tshinikowaka ruchinita.

Gênesis 17:19

Waneya wane htshinru Hoyakalu: — Hike seyni Sara, phanunro wuhenewatanu jejipni. Putakhiwakatanru Isaque; wale Isaque numlukanu xye numluklewle nkamhinru, nunkaklexinna koxa Isaque klopichane, hikeklu hohne mnikawnakatupa.

Gênesis 17:8

Canaã tshiji psoluka, pwajexyawaka, pa neru tshijneya nenekanyi pixa hiyrun-koxa piklopichane, ptowru hohneruka mnikawnakatupa hixa hwalerupa. Wanna Hoyakalutepno.

Gênesis 20:1

Waneya wane ruchpajya Abraão. Neguebe tshinikowaka tshijne nwaka hyatka. Cades tshinikowaka, Sur tshinikowaka hanikajite rawatka. Gerar tshinikowaka rutakpjitatka.

Gênesis 25:11

Rali hipnaletanatka Abraão-ni Hoyakalu kihlewaka htshinru Isaque, Abraão-ni whene. Isaque Beer-Laai-Roi tshinikowakastsi hwatka.

Gênesis 26:12

Waneyakni Isaque hitaklewatatka wale tshijneya. Wale mhaleko ramatkalu cem kata rutakle yohnika klu tshinanu Tsru Hixikatshriwa Hoyakalu hepixatkalu.

Gênesis 26:14

Klu tshinanu pratshine carneiro-ne hixolune hpurata, boi-ne hixolune hpurata hiyrun-koxa hixolune towrertshine rimwatka. Hiyáhoni filisteu-nerune hahxatlu.

Gênesis 26:24

Wale yetshnoko Tsru Hixikatshriwa Hoyakalu hakanhayehitatkalu Isaque, wla htshinatkalu: — Purni Abraão-ni Hoyakalutno hita. Hi ppikanu klu tshinanu pixaymano, kihlewaka nkamhinyi, piklopichane nixolewkakanu ntowreru Abraão-ni tshinanu.

Gênesis 28:13

Escada teno nwaka rawakanata Tsru Hixikatshriwa Hoyakalu waneya wane htshina: — Hita Tsru Hixikatshriwano Abraão Hoyakalutno, Isaque Hoyakalut-koxno. Xye tshiji pukoluhyawaka, nenekanyi pixa hiyrunu piklopichane koxa.

Gênesis 28:15

Halikaka pixaymano, pixa ninotanu hanukta pyanu, wane koxa nwanu hita hiyrun-koxa nkamhanru xye tshiji psatkapyawakapa klu tshinanu hi nuknokanyi haté nunkajyawakyi nnikat-kamhaletanu.

Gênesis 31:3

Waneya Tsru Hixikatshriwa Hoyakalu hiynumatlu Jacó, wla htshinru: — Putsrukatene tshijne nwaka pyanu, pimolene nwakako. Hitaymalutyi.

Gênesis 35:12

Hiyrun-koxa tshiji nenejyatkalu Abraão, Isaque, pixa nenekanru hiyrun-koxa pixa piklopichanepa pixa hatjini hakanhatshinepa nenekanru tshiji.”

Gênesis 39:2

Seyni Tsru Hixikatshriwa Hoyakalu José-ymalu wale tshinanu ptowruka kihle hixownale. Htowutjeru Egito hajerupji rawjeta.

Gênesis 39:21

Seyni Tsru Hixikatshriwa Hoyakalu José-ymalu hiyáhoni kihleru reta hiyrun-koxa preso hinotatshri hetwamonutatkalu.

Gênesis 48:21

Waneya Israel wla tshinru José: — Nupnanu hita seyni Hoyakalu pixaymalu hiyrun-koxa ranikanyi purunni tshijne pyiywakpatnaka.

Gênesis 50:24

Waneya hma mupnaknu pchinika José, José hinkakna himolene, wla htshinna: — Nupnakastsitkani. Seyni Hoyakalu halikaka hiphujewnayehitanhi hiyrun-koxa xye tshijne hkochpajiniphi, ranikanhi tshiji runkaklexyalu Abraão-ni, Isaque-ni, Jacó-ni nwaka.

Filipenses 4:9

Hyijnakotanrukaka, hetlerkaka, xyekaka nasrujikolkaka nasrujyatkahi hkamhanu. Waneyakni Hoyakalu wapnanuhchinikankakjeru hixaymapa.

Hebreus 11:9

Halixlu tshinanu runkaklexikolu tshijne rawjeta Abraão, hma metjejexyawakanu tshijne rawjeta. Pantshi nikalumta kamhikolupjikaka rawjeta Abraão, Isaque hiyrunu Jacó-yma. Wale tshijne yoptotatshinepa Abraão-yma Hoyakalu hinkajya pirana tshinanna.

Hebreus 6:17

Hoyakalu haluk-hekhirpotutna runkajya piranna yoptotatshinepa hi hkachrijetanru runkajya piranna. Hiyáhoni runkajya pirannayma waleko hiwaka hkochtshekatka.