Gênesis 26:24 - Bíblia

²⁴ Wale yetshnoko Tsru Hixikatshriwa Hoyakalu hakanhayehitatkalu Isaque, wla htshinatkalu: — Purni Abraão-ni Hoyakalutno hita. Hi ppikanu klu tshinanu pixaymano, kihlewaka nkamhinyi, piklopichane nixolewkakanu ntowreru Abraão-ni tshinanu.

Gênesis 26:24 ပူးပေါင်းရင်းမြစ်များ

Gênesis 13:16

Nkamhanru piklopichane ksatuji pejnu rixyawakapna hiyáhoni satu yineru poyaho hitakyahokletkamkalu ksatuji waneya pixa piklopichane koxa poyaho hitakyahokletko.

Gênesis 15:1

Wane pnute xyekaka Tsru Hixikatshriwa Hoyakalu tokanu hapyehitlu Abrão, satu rupnawleya waneya wane htshinru: — Hi ppikanu, Abrão. Hita pixa hinokakaklu himaletyehitatshrino hiyrunu pixa tsru pumlujikolu yoptotatshripyi.

Gênesis 17:7

Hita wane ntshinanyi numlujyayi hikeklu hohne hnikawnanu numluklewle. Pixaymano hiyrun-koxa piklopichaneymano, pixa whenene hapkatatatshinepa koxa ymapno. Pixa Poyakalutno hiyrun-koxa piklopichane Hoyakalutepno.

Gênesis 17:8

Canaã tshiji psoluka, pwajexyawaka, pa neru tshijneya nenekanyi pixa hiyrun-koxa piklopichane, ptowru hohneruka mnikawnakatupa hixa hwalerupa. Wanna Hoyakalutepno.

Gênesis 21:17

Hoyakalu jemlu mturu kte. Waneya Hiwejikaluru Hoyakalu towreru tenhohne hajeru hiynumatlo Agar tenhohneya, wla htshinro: — Kluhe pixa Agar? Hi ppikanu klu tshinanu Hoyakalu jemlu mturu kte rukoluhyawakaya.

Gênesis 22:17

Hita halikaka nuhlehchinikanutanyi hiyrun-koxa nkamhanna pixa piklopichane katahiri tenhohne hajeru pejnu rixyawakapna, hiyrunu ksatuji mar powha wnahlu hajeru pejnu rixyawakapna. Piklopichane konpoklutanna hkamnixjene.

Gênesis 22:19

Waneya Abraão satokanwakatna htowrene yehi waneya ptowruneko satokatka Berseba nwaka rawjexyawaka. Waneko rutukatka Abraão.

Gênesis 24:12

Waneya wla htshina: — Ha Tsru Hixikatshriwa Hoyakalu, Abraão Hoyakalute nanjityi penejyawakapno kihle hakanhaleru xye hohne tshinanu, kihlewaka pixanru nutsrukate Abraão.

Gênesis 28:13

Escada teno nwaka rawakanata Tsru Hixikatshriwa Hoyakalu waneya wane htshina: — Hita Tsru Hixikatshriwano Abraão Hoyakalutno, Isaque Hoyakalut-koxno. Xye tshiji pukoluhyawaka, nenekanyi pixa hiyrunu piklopichane koxa.

Gênesis 28:15

Halikaka pixaymano, pixa ninotanu hanukta pyanu, wane koxa nwanu hita hiyrun-koxa nkamhanru xye tshiji psatkapyawakapa klu tshinanu hi nuknokanyi haté nunkajyawakyi nnikat-kamhaletanu.

Gênesis 28:3

Hoyakalu Ptowru Potuko Himukatatshri hepixanyi, rixoletanyi, hixolunepyi, hixo nerunepa rixkakanyi.

Gênesis 30:27

Seyni Labão wla tshinru: — Hitshi, nanjityi kihleru paluka hixlexinipno hi pyanutka klu tshinanu netlu hanu rixa hepixletno Tsru Hixikatshriwa Hoyakalu pixa tshinanu.

Gênesis 31:5

Waneya wla htshinatkana: — Nethojitlu puru. Hi kihle hchinikanru hita tshinanu, hi mitshikananu pixka rixa hichinikletno. Seyni nuru Hoyakalute hitaymalu.

Gênesis 39:2

Seyni Tsru Hixikatshriwa Hoyakalu José-ymalu wale tshinanu ptowruka kihle hixownale. Htowutjeru Egito hajerupji rawjeta.

Gênesis 39:3

Potifar hetlu Tsru Hixikatshriwa Hoyakalu José-ymalu hiyrun-koxa ptowru potuko hkamhini José Tsru Hixikatshriwa Hoyakalu kihle kosekle rixkaklu.

Gênesis 46:1

Waneya Israel wane hichpajyatka, hyatka rimwaleru ymakananuko. Waneya Berseba rapokatka. Waneya waneko henekachalkaka renejyalu rurni Isaque-ni Hoyakalute.

Mateus 22:32

Abraão-ni Hoyakalutno, Isaque-ni Hoyakalutno, Jacó-ni Hoyakalut-koxno. Hoyakalu hiwekatshine Hoyakalutni seyni hi miwekkanepa Hoyakalutni.

Lucas 12:32

Waneya Jesus wla tshina: — Noprane ovelha-ne mixone pixkalunmakhi seyni hi hpikanu. Klu tshinanu hixa Hiru nurehchinikanuxnawa hpohirewaxyawaka renejyawakaphi.

Atos 7:32

“Hitni putsrukatenni Hoyakalutno, Abraão-nni, Isaque-nni hiyrunu Jacó-ni Hoyakalut-koxno.” Seyni Moisés hitataka hpikle tshinanu haté hpika wane yihleta.

Hebreus 11:16

Seyni hike, wanna halukatkalu pa tshijneko kihlewaka potuko, tenhohne hwatshri tshijne. Hiyáhoni Hoyakalu hi patewata Royakalutna htshinikowaka. Klu tshinanu Hoyakalu halpokohnaputna satu poktshi wanna tshinanupa.

Hebreus 13:6

Hiyáhoni kihle hchinikanurunwu wumukata wla tshinreta, hike wpikanu: “Nepixjerni Tsru Hixikatshriwa Hoyakalu, hiyáhoni hi npikanu hanuktako rixinipno yineru.”

Apocalipse 1:17

Waneya nexinixkalu, hijixistsi nyawnamxya, hipnatshri pixka. Waneya hyosurukkanotatka hpotukle myo, waneya hit-hoho rutakamyota. Wla htshinno: — Hi ppikanu, Hitakni yinuwakatshrino, rapkatle hwatshri koxno.