Gênesis 24:29 - Bíblia

²⁹ Twu Rebeca tshinkaluro kamólero Labão tshinkaluru. Xyekni hichpakatka, rasukamtatka hyoptoxyawakaplu jeji hakophastsi hwakanatatshri.

Gênesis 24:29 ပူးပေါင်းရင်းမြစ်များ

Gênesis 24:30

Wane rixa klu tshinanu retlu hisrojretshi hiyrun-koxa hikanretshimtakaka reta himole suxo myonota hwakanatatshri hiyrun-koxa hjemlu himole suxo tokanu wla tshinatshri: “Wla htshina hinkakletno,” ttshina. Hiyáhoni jeji yehi rapokatka Labão. Waneko hyopkakakanatawa hakophastsi camelo-neyma.

Gênesis 24:55

Waneya tomole jeji hiyrun-koxa tunro wla tshina: — Pitshitanrotshi makloji pa hohneyaka hix-yehi tutukamxyawakapa haté dez hohne pchinikatshi hewi tutukanu. Waneya wane pnut-hohne tyanutka.

Gênesis 24:60

Kihlewaka htshinanwakaxyawaklona wla htshinatkalona: “Pixni wimole suxyi hiyáhoni xawakni hixolune potu hakanhakakatshropyi, yinepa hixo mil kata mil hakanhakakatshropyi. Hiyrun-koxa pkamnitjenemka htowutanna piklopichanepa!” — htshinrona.

Gênesis 25:20

Waneya Isaque quarenta mhaletkalu hhanunrotlo Rebeca, Betuel whene, arameu-neru whene, Padã Arã tshijne hajeru, hiyrun-koxa Rebeca Labão arameu-neru-mole piranni.

Gênesis 27:43

Xawakni noturu, pyijnakotanru ntokanu wane ntshinanyi. Xawakni potuko pasukanu nomole Labão Harã hajeru nwaka pya hasukletanu.

Gênesis 28:2

Padã-Arã tshinikowaka nwaka pyanu. Betuel tshinkaluru, punro hirupji nwaka pyanu waneya waneko suxo Labão tshinkaluru, punro mole whene phanunrotanu.

Gênesis 29:13

Waneya hjeminixka Labão, himole suxo whene hapojyawaka pirana rasukamtatka hyoptoxyawakaplu. Hsapriklu, ramlutlu waneya ranikatkalu hipji nwaka. Waneya Jacó hinkakatkalu Labão xye pirana ptowruka.

Gênesis 29:5

Waneya Jacó hepomhatkana, wla htshinatkana: — Hixaklahe hetjejetlu Labão tshinkaluru, Naor whene? Waneya wla htshinatkaluna: — Hehe, wetjejetlu.