Gênesis 24:27 - Bíblia

²⁷ Wla htshina himalwuretlu: — Kchinikanurni Tsru Hixikatshriwa Hoyakalu nutsrukate Abraão Hoyakalute. Pixa pepixle hiyrun-koxa ppotuknu hi pkonyalu nutsrukate Abraão. Hiyrun-koxa hita ranikno Tsru Hixikatshriwa Hoyakalu nutsrukate Abraão molene nwaka potuko yahapotatshri ranikatkano.

Gênesis 24:27 ပူးပေါင်းရင်းမြစ်များ

Gênesis 13:8

Waneya Abrão wan-tshinru Ló: — Hi kihleru wale hikolukle wahkakajyawaka hita, pixa hiyrunu hitapra hislahatshine, pixapra hislahatshineyma klu tshinanu wmoletkaka.

Gênesis 14:20

Himalwutkalurni Tsru Hixikatshriwa Hoyakalu pkamnitjene hamtakkakatshri.” Waneya Abrão ptowru rimwaleru psojitkaka reneklu Melquisedeque.

Gênesis 24:12

Waneya wla htshina: — Ha Tsru Hixikatshriwa Hoyakalu, Abraão Hoyakalute nanjityi penejyawakapno kihle hakanhaleru xye hohne tshinanu, kihlewaka pixanru nutsrukate Abraão.

Gênesis 24:21

Seynikta jeji hike mtshinkatuko hislahakanatlo rexyawakaplu tsru hyanre repixijeruplahe hkamhinri Tsru Hixikatshriwa Hoyakalu ho hike.

Gênesis 24:4

Naluklu ptshinamxyawakno ntshijne potuko pyanu nomolene nwaka suxo pwapyawakapa noturu Isaque hhanunroxyawakaplo.

Gênesis 24:42

Hiyahokni xye hohne napokatka hakopha yehi waneya wla ntshinatka: — Tsru Hixikatshriwa Hoyakalu, ntowutjeru Hoyakalute pujha hakanhakakletlu wkata nunyawaka tshinanu

Gênesis 24:48

Waneya nyonohitatka Tsru Hixikatshriwa Hoyakalu nimalwutatka npoyahnutatkalu Tsru Hixikatshriwa Hoyakalu ntowutjeru Abraão Hoyakalute repixle tshinanu. Klu tshinanu hkosekatkano ntowutjeru mole whene suxo nwaka potuko nanijyawakaplo ntowutjeru whene jeji nwaka.

Gênesis 32:10

Seynimka hita hi hijhakalurpotno pepixle tshinanuya, hi napkaplu halikakalutu pirana puphujetleru hita ptowrerno yehiya. Klu tshinanu hit-mitshi Jordão wenne nkopruhaxyatka nkanojereymatka tsonu seyni xawakni hepi xkehi mnutkano.

Gênesis 32:11

Hiyáhoni xawakni nanjityi pepixyawakapno, pkochpakanno nomole Esaú myoya. Klu tshinanu npiklu klu tshinanu pa katako runanu hita ruylaxyawakapa hiyrun-koxa runrona ymakananu mturune ruylatanu.

Gênesis 9:26

Waneya wane pnute Noé halpokotokanuxnawa, wla htshina: — Himalwutkalurni Tsru Hixikatshriwa Hoyakalu, Sem tshinkaluru Hoyakalute. Hiyáhoni Sem towutanru Canaã.

Lucas 1:68

— Himalwutkaluru Tsru Hixikatshriwa israel-nerune Hoyakalute, klu tshinanu runatka, riwekkakatkana rayinetene.

João 1:17

Hiykolu pirana yonatkaluru yokanatatshrini Moisés-ni seyni Jesus Cristo-kni Hoyakalu hihlenu ptowru potuka hiyrunu halikakalutu pirana hiyakotatshrini wale.

Efésios 1:3

Himalwutkalurni Wutsrukate Jesus Cristo Hoyakalute, himalwutkalurni Wutsrukate Jesus Cristo Hiru. Hoyakalu honra ptowru hixatshri kihleru wiwejinri tshinanupa tenhohne hwatshri heneklewatatshri, hixa Cristo-ymalunwu tshinanu.

1 Timóteo 1:17

Ptowru potuko yokanatatshri, ptowru hohneko hwatshri, hikeklu hohne mnikawnakatu, metkotu, Hoyakalu satupkalutu tshinanu kahwakpirhohnekanatkalurupni, himalwuhohnekanatkalurupni psol-hohne potukananuko! Seyoka.