Gênesis 24:15 - Bíblia

¹⁵ Waneya hi rutuka yanumletawa, Rebeca tshinkaluro Betuel tshinkaluru hchitsho Milca tshinkaluro Naor-yma himekahyona Abraão mole mekahyo wane tyapamta hachhaji tuthanamta.

Gênesis 24:15 ပူးပေါင်းရင်းမြစ်များ

Gênesis 11:27

Xyeni Terá klopichane piranapni: Terá wuhenetlu Abrão, Naor, Harã. Waneya Harã wuhenetlu Ló.

Gênesis 11:29

Abrão hanunrowata, Naor koxa hanunrowata; Abrão hnunro Sarai tshinkaluro, Naor hnunro Milca tshinkaluro, Milca hirni Harã tshinkaluru; Harã wuhenetna Milca, Iscá tshinkaluro.

Gênesis 21:14

Waneya Abraão yetshpotukawa ruptekatka. Pão hiyrun-koxa honha kastonolu honha hwatshri hkochtsheka, wale reneklo Agar. Xyekaka wala rutjikakatka, mturu reneklo waneya hyokanatlo tyiywakapa. Hiyáhoni tyatka mayinerewakanu, popriwaka Berseba tshinikowaka tyotaljechaxyatka.

Gênesis 24:14

Hiyáhoni xawakni nanjityi makloji hanuroktako niynumatanu wla ntshininplo: “Psajehapre tshiji putakanu honha psajijinno nurrerupa waneya wla ttshininipno: “Haté hehe puranu pixa hiyrun-koxa nsajikhatanu piprane camelo-ne tshinanu koxa,” ttshininipno wala. Walakni pnurrero ptowreru Isaque tshinanupa. Wane hixatshropakni nimatanu puphujexyalu kihleru pkamhiylu nutsrukate Abraão.

Gênesis 24:24

Waneya tuhitlu wla ttshinru: — Betuel tshinkaluru whenno, Milca tshinkaluro whene Naor-yma.

Gênesis 24:45

Seyni hi nali yanumletawa nohchinikanuya tunatka Rebeca tshinkaluro hachhaji tanikamta tothana tanikamxyalu. Hakopha nwaka tyamta tsajkapyawakapa waneya wla ntshinatkalo: “Halya honhal-putanno.”

Gênesis 25:20

Waneya Isaque quarenta mhaletkalu hhanunrotlo Rebeca, Betuel whene, arameu-neru whene, Padã Arã tshijne hajeru, hiyrun-koxa Rebeca Labão arameu-neru-mole piranni.

Gênesis 29:5

Waneya Jacó hepomhatkana, wla htshinatkana: — Hixaklahe hetjejetlu Labão tshinkaluru, Naor whene? Waneya wla htshinatkaluna: — Hehe, wetjejetlu.

Gênesis 29:9

Waneya wannayma riynumsakakakanatawa Raquel hapokatka turu prane carneiro-ne yma. Wala honukla pratshine suslahaklero.