Gênesis 24:12 - Bíblia

¹² Waneya wla htshina: — Ha Tsru Hixikatshriwa Hoyakalu, Abraão Hoyakalute nanjityi penejyawakapno kihle hakanhaleru xye hohne tshinanu, kihlewaka pixanru nutsrukate Abraão.

Gênesis 24:12 ပူးပေါင်းရင်းမြစ်များ

Gênesis 15:1

Wane pnute xyekaka Tsru Hixikatshriwa Hoyakalu tokanu hapyehitlu Abrão, satu rupnawleya waneya wane htshinru: — Hi ppikanu, Abrão. Hita pixa hinokakaklu himaletyehitatshrino hiyrunu pixa tsru pumlujikolu yoptotatshripyi.

Gênesis 24:21

Seynikta jeji hike mtshinkatuko hislahakanatlo rexyawakaplu tsru hyanre repixijeruplahe hkamhinri Tsru Hixikatshriwa Hoyakalu ho hike.

Gênesis 24:27

Wla htshina himalwuretlu: — Kchinikanurni Tsru Hixikatshriwa Hoyakalu nutsrukate Abraão Hoyakalute. Pixa pepixle hiyrun-koxa ppotuknu hi pkonyalu nutsrukate Abraão. Hiyrun-koxa hita ranikno Tsru Hixikatshriwa Hoyakalu nutsrukate Abraão molene nwaka potuko yahapotatshri ranikatkano.

Gênesis 24:42

Hiyahokni xye hohne napokatka hakopha yehi waneya wla ntshinatka: — Tsru Hixikatshriwa Hoyakalu, ntowutjeru Hoyakalute pujha hakanhakakletlu wkata nunyawaka tshinanu

Gênesis 24:48

Waneya nyonohitatka Tsru Hixikatshriwa Hoyakalu nimalwutatka npoyahnutatkalu Tsru Hixikatshriwa Hoyakalu ntowutjeru Abraão Hoyakalute repixle tshinanu. Klu tshinanu hkosekatkano ntowutjeru mole whene suxo nwaka potuko nanijyawakaplo ntowutjeru whene jeji nwaka.

Gênesis 26:24

Wale yetshnoko Tsru Hixikatshriwa Hoyakalu hakanhayehitatkalu Isaque, wla htshinatkalu: — Purni Abraão-ni Hoyakalutno hita. Hi ppikanu klu tshinanu pixaymano, kihlewaka nkamhinyi, piklopichane nixolewkakanu ntowreru Abraão-ni tshinanu.

Gênesis 27:10

Walejpa puru panijini kihleru piranalu htshinaywakapyi rupnale hnapu.

Gênesis 27:20

Waneya Isaque hiynumatlu hiwhene wla htshinru: — Hanhe pix-hikchiklehapkakanatlu noturu? Waneya wla htshinru: — Nukchikhapkatlu klu tshinanu Tsru Hixikatshriwa Hoyakalu, Poyakalute nyapakanaxyawaka hapo rutaklu.

Gênesis 28:13

Escada teno nwaka rawakanata Tsru Hixikatshriwa Hoyakalu waneya wane htshina: — Hita Tsru Hixikatshriwano Abraão Hoyakalutno, Isaque Hoyakalut-koxno. Xye tshiji pukoluhyawaka, nenekanyi pixa hiyrunu piklopichane koxa.

Gênesis 31:42

Hoyakalu, nuru Hoyakalute, Abraão Hoyakalute, Hoyakalu Isaque kahwakpirreru hitayma hmixkanumka pixamka hike mimwakatukno pyokanaxinmakno. Seyni Hoyakalu hetlu nsalewnale hiyrun-koxa nkamrure nkamhaleru hita myoya reta hiyahokni xye yetshno ruykotatkayi.

Gênesis 32:10

Seynimka hita hi hijhakalurpotno pepixle tshinanuya, hi napkaplu halikakalutu pirana puphujetleru hita ptowrerno yehiya. Klu tshinanu hit-mitshi Jordão wenne nkopruhaxyatka nkanojereymatka tsonu seyni xawakni hepi xkehi mnutkano.

Gênesis 32:9

Waneya Jacó wla tshina hanjireta: — Ha Hoyakalu, nurni Abraão-ni Hoyakalute, nuru Isaque Hoyakalute, Tsru Hixikatshriwa Hoyakalu honukla nunkaklexijeru wla ntshinjeru: “Ptshijne nwaka psatkapanu, pimolene nwaka. Wane hixatshripyi nepixanyi kihleruya.”

Gênesis 43:14

Hoyakalu Tsru Himukatatshri henekanhi hetwamonrewlu wale jeji hojiya, hsatkajyawakaplu hixa mole satu hiyrunu ritshixyawakaplu Benjamim hsatkapyawakapa. Seyni hita, namtakawhenexinipa mwuhenetpatkano.

Mateus 22:32

Abraão-ni Hoyakalutno, Isaque-ni Hoyakalutno, Jacó-ni Hoyakalut-koxno. Hoyakalu hiwekatshine Hoyakalutni seyni hi miwekkanepa Hoyakalutni.

Filipenses 4:6

Hikeko hkojwakahchinikanuxinwa seyni ptowru potuko hanjihohneru hanjixinriya poyahnutleyma hinkakanru Hoyakalu hanjitanrukaka.