Gênesis 24:10 - Bíblia

¹⁰ Waneya towrertshi hwaplu dez camelo htowutjeru prane hiyrun-koxa rutsrukate hejnunkate kihlekakalu ranikamta klu tshinanu walekni rutsrukate hejnunkate ptowruka towutatshri. Waneya hyatka Mesopotâmia tshijne Naor hwiywaka poktshi nwaka hyatka.

Gênesis 24:10 ပူးပေါင်းရင်းမြစ်များ

Gênesis 11:26

Riwekatka Terá setenta mhale waneya hwuhenetna Abrão, Naor, Harã.

Gênesis 11:29

Abrão hanunrowata, Naor koxa hanunrowata; Abrão hnunro Sarai tshinkaluro, Naor hnunro Milca tshinkaluro, Milca hirni Harã tshinkaluru; Harã wuhenetna Milca, Iscá tshinkaluro.

Gênesis 11:31

Waneya Terá haniklu hiwhene Abrão. Ranikkoxlu Harã whene Ló tshinkaluru. Ló Terá tshinkaluru whene whene; Terá mekanunroni Sarai tshinkaluro ranika, hiwhene Abrão hnunro. Waneya wannayma hyana Ur tshinikowaka Caldone tshijne ruchpajyana, Canaã tshijne hyiywakna. Harã tshinikowaka rapokna waneya wane potuko rutukna.

Gênesis 11:32

Duzentos e cinco mhaletkalu Terá waneya Harã tshinikowaka rupniyanatka Terá-ni.

Gênesis 22:20

Waneya xyekaka ptowruka hiknohinixka runkakluna Abraão wla htshinruna: — Milca hiwuhenewjetatkalu pimole Naor jejinni.

Gênesis 24:2

Waneya Abraão hiynumatatkalu htowreru mitshikawluru rimwaleru ptowruka towutatshri wla htshinru: — Pimyo noskota pyochmakanu. (Wane rixakanatna mitshkawlunni pa pirana renejinpatka klu tshinanu Abraão hipnakastsitkani.)

Gênesis 24:22

Waneya rali hirretatkana camelo-ne waneya wale jeji satu hisrojretshi ouro kamhikolu cinco gramas e meio pa hinurutu hetkolu reneklo. Hiyrun-koxa hepi pulseira-ne ouro kamhikolu cento e dez gramas pa hinurutu hetkoni tomyonota tutaklerupa reneklo.

Gênesis 24:53

Waneya towrertshi hejnu hkochpaka, hejnu prata kamhikolu, hejnu ouro kamhikolu, mkatshri koxa hkochpakatka waneya Rebeca reneklu. Hiyrun-koxa hejnu kwenuru reneklu Rebeca mole jeji hiyrun-koxa tunro reneklu hejnu kwenuru.

Gênesis 27:43

Xawakni noturu, pyijnakotanru ntokanu wane ntshinanyi. Xawakni potuko pasukanu nomole Labão Harã hajeru nwaka pya hasukletanu.

Gênesis 29:1

Waneya Jacó yatnaka, hyakananumta haté Mesopotâmia tshinikowaka rapoka.

Gênesis 29:2

Waneya reknojtamta retlu hakopha campo hwatshri waneyakni retlu mapa ptohi pratshine carneiro-ne hakopha-stsi hikoluhatshine klu tshinanu wale hakophakni rurjetna carneiro-ne. Seyni satu tsru sotlu rupleta hakopha.

Atos 2:9

Hixa Pártia tshijne hajenwu, Média tshijne hajenwu, Elão tshijne hajenwu, Mesopotâmia tshijne hajenwu, Judeia tshijne hajenwu, Capadócia tshijne hajenwu, Ponto tshijne hajenwu, Ásia tshijne hajenwu,