Gênesis 24:1 - Bíblia

¹ Tsrutsolejitkani Abraão hixo mhaletkalu. Tsru Hixikatshriwa Hoyakalu hepixle ymalu ptowru tshinanuko.

Gênesis 24:1 ပူးပေါင်းရင်းမြစ်များ

Gênesis 12:2

Pixa nkamhinri hixo pixyawakapa. Nuhlehchinikanutanyi pixa hiyrunu pixa npohiwahiwakkakanyi Abrão. Pixa tshinanu pimrine hihlehchinikanutko.

Gênesis 13:2

Phurupotukni Abrão; rimwana wakane, prata, ouro koxa.

Gênesis 18:11

Abraão, Sara tsrutsolejinetkani hixo mhalenetkana hiyrun-koxa Sara hi himtuhajetatka.

Gênesis 21:5

Cem mhaletkalu Abraão hituru Isaque matuxyatkalu Abraão.

Gênesis 24:35

Tsru Hixikatshriwa Hoyakalu hepixpotutatkalu nutsrukate ntowutjeru. Tsru phuru rixkaklu. Pratshine carneiro-ne hixolune reneklu hiyrun-koxa pratshine boi-ne hix-potuko reneklu. Prata, ouro reneklu, towretshine suxone, towretshine jejine reneklu, camelo-ne reneklu, jumento-ne reneklu.

Gênesis 25:20

Waneya Isaque quarenta mhaletkalu hhanunrotlo Rebeca, Betuel whene, arameu-neru whene, Padã Arã tshijne hajeru, hiyrun-koxa Rebeca Labão arameu-neru-mole piranni.

Gênesis 26:12

Waneyakni Isaque hitaklewatatka wale tshijneya. Wale mhaleko ramatkalu cem kata rutakle yohnika klu tshinanu Tsru Hixikatshriwa Hoyakalu hepixatkalu.

Gênesis 49:25

Puru Hoyakalute tshinanu, pepixjeru. Ptowru himukatatshri tshinanu pserutjerni wale tenhohne hajeru teno hwatshri, pserutjerni tenohalu hitokha hwatshri. Pserutjerni whenewluya hiyrun-koxa ptowru hixatshri matutatshri pserutjerni wale.

Mateus 6:33

Seyni mitshikananhapka Hoyakalu pohirewaxyawaka hijhanu hiyrunu Hoyakalu halujyawaka hkamhanu. Waneyakni Hoyakalu henekanhi xyekaka ptowruka.

Lucas 1:7

Seyni Isabel tshinkaluro hi michiwata hiyáhoni mwuhenewaklenni; hiyrun-koxa tsrutsolejinetkani.

Gálatas 3:9

Abraão halixatka. Hiyáhoni ruhlewahchinikanyehitka Abraão. Waneko pixka rixka ptowru halixatshri Abraão pixka ruhlewahchinikanyehitkana.

Efésios 1:3

Himalwutkalurni Wutsrukate Jesus Cristo Hoyakalute, himalwutkalurni Wutsrukate Jesus Cristo Hiru. Hoyakalu honra ptowru hixatshri kihleru wiwejinri tshinanupa tenhohne hwatshri heneklewatatshri, hixa Cristo-ymalunwu tshinanu.

1 Timóteo 4:8

Klu tshinanu wimane hasrujikowaka psotsonu repixlewaxya. Seyni Hoyakalu halujyawaka homkahixikowaka ptowru potuko repixlewaxya. Klu tshinanu repixlu wiwekle xawakni papko hiyrun-koxa hiweklu hinatshripa Hoyakalu hinkaklexyawu.