Gênesis 23:20 - Bíblia

²⁰ Wane rix-himutukletlu Abraão campo hiyrun-koxa hipjita hwapnatatshri yomletshi rixikowakapa. Hete-ni whenene mixkopotutatkalu wane pnute.

Gênesis 23:20 ပူးပေါင်းရင်းမြစ်များ

Gênesis 10:15

Canaã wuhenetlu Sidom tshinkaluru, waleni wale mitshikananu hiwhene, hwuhenetkoxlu Hete,

Gênesis 23:19

Waneya Abraão kapnatanro hhanunroni Sara-ni hipjita hwapnatatshriya Macpela campo-te hwatshri Manre tshinikowaka hinaple hwatshri Hebrom poktshiya, Canaã tshijne hwatshri.

Gênesis 23:4

Hitni pa nerno hix-yehi hapkapachatatshrino hiyáhoni xawakni tshiji penekanno nkapnaxyawakanapna pa hohne hipnatshinni nkapnaxyawakanaplo hipnatshroni nhanunroni nma metjejexyawakanu yehi, nkapnataninro.

Gênesis 25:10

Xye campo ranjitnixka mitshi Abraão Hete whenenenu. Wanekni hkapnatkana Abraão-ni hiyrun-koxa hhanunroni Sara-ni wane hkapnatkanna.

Gênesis 25:9

Waneya waleniko hwuhenene Isaque, Ismael kapnatanru Abraão-ni hipjita hwapanatatshri Macpela tshinikowaka Efrom heteu-neru campo-te hwatshri Manre tshinikowaka hinapleya.

Gênesis 49:29

Waneya hiwhenene htowutatka. Wla htshinatkana: — Hi howukchini nomolenni yehi napatjexinitka hiyáhoni kapna hipjita jitoxikolu Efrom hitita-neru campo-te hwatshri nurunni kapnaxikowaka hkapnatanno hita.

Gênesis 50:13

Hiwhenene jejine hanikanru Canaã tshijne nwaka waneya hkapnatanruna himriji hwapnatatshri Macpela tshinikowaka campo-teya Manre tshinikowakastsi hwatshri. Xye campo mitshi Abraão-ni hanjixyalu Efrom tshinkaluru hitita-neru yomletshi rixikowakapa.

Gênesis 50:5

“Nurni mitshi towutno nunkaklexyawaklu ranjire nkamhiywakapa. Wla mitshi htshinrewatni: Hetanu nupnakastsitkani hiyáhoni yomletshi njitotjixleru Canaã tshijneya pkapnaxinno. Hiyáhoni nanjityi hitshitanno nyiywakapa nurni nkapnatapyawakapa. Waneya nsatkapanu.”