Gênesis 23:2 - Bíblia

² Waneya tupnanatka. Quiriate-Arba tshinikowaka Hebrom poktshi Canaã tshijne hwatshri tupniyanatka. Rapoka Abraão Sara-ni ritshiyahaxyawakapa hwamonuwaxyawaka walani pohwaka tshinanu.

Gênesis 23:2 ပူးပေါင်းရင်းမြစ်များ

Gênesis 13:18

Waneya Abrão yokmakapjitatka, tsru hahmunkaka yehi Mamre tshinkaluru, Hebron poktshistsi tshinikowaka hyatka. Waneya satu altar hkamha Tsru Hixikatshriwa Hoyakalu tshinanu.

Gênesis 23:1

Cento e vinte e sete mhale tiweknixka Sara-ni.

Gênesis 23:19

Waneya Abraão kapnatanro hhanunroni Sara-ni hipjita hwapnatatshriya Macpela campo-te hwatshri Manre tshinikowaka hinaple hwatshri Hebrom poktshiya, Canaã tshijne hwatshri.

Gênesis 24:67

Waneya Isaque haniklo Rebeca runroni Sara-ni tenda-tepji raniklo Rebeca hiyáhoni hhanunrotlo Rebeca. Hiyáhoni wale hanunroni. Ramotlo. Hiyáhoni Isaque hapnanuhchinikanutatka runroni hipnale tshinanu.

Gênesis 27:41

Waneya Esaú hahkalu Jacó. Rahkalu klu tshinanu ruru hihlehchinikanyehitlu Jacó. Waneya wla htshinahchinikanuta Esaú: — Hi howukchini ktetshipni nurupni hipniywaka tshinanu waneya wane pnute nuylatanunru nepurupni Jacó-pni.

Gênesis 35:27

Waneya Jacó hapyehitlu ruru Isaque, Manre tshinikowaka, Quiriate-Arba tshinikowakastsi, Hebrom tshijneya Abraão-ni, Isaque hwajekanaxyawaka rapokamtatka.

Gênesis 37:14

Waneya Israel wan-tshinru: — Pyanutka xawakni, petapanu ho kihlenhe pimolene ho hike pratshin-koxa. Wanna pirana pisatkapanu. Waneya hyokanatlu Hebrom kihlemta tshiji waka nwaka hyokanatlu, Siquém nwaka hyamta.

Gênesis 50:1

Waneya José hiknojnawa rurni hoho, htshiyahahohotanru, ramlutanru.

Gênesis 50:10

Pa hixanu hiplokjexikowaka Atade tshinikowaka rapokatkana Jordão wennestsi hwatshri hwamonuwnatkana tsru tshiyahlu rixatkana. José hitaklu hwamonuwaxinri hohnena sete hohne pejnu rurni ruchinijinri hohne.

João 11:31

Pantshi rawakanatna satkaka judeu, Maria yokwihchinikanupiratatshine. Waneya rexinrona Maria palnahapkaxyawaka pantshi tuchpajyawaka, rimotsatatkalona klu tshinanu wanna kahwakatkalo Maria yomletshi nwaka tyamta waneko ttshiyahaxyawakapa.

João 11:35

Waneya Jesus tshiyahata.

Atos 8:2

Satkaka jejine kahchinikanurune kapnatlu Estêvão manni. Htshiyahpotutna Estêvão-ni tshinanu.