Gênesis 22:9 - Bíblia

⁹ Rapojinixkaluna Hoyakalu tshinyawaklu yehi Abraão sotlu rapatjeta waneya ruhlepokotlu tshitshi wane hohoya. Waneya rostutatkalu hituru Isaque waneya tshitshi hoho rutaklu Isaque.

Gênesis 22:9 ပူးပေါင်းရင်းမြစ်များ

Gênesis 12:7

Seyni Tsru Hixikatshriwa Hoyakalu hakanhayehitlu Abrão waneya wane htshinru: — Pixa klopichane nenekanu xye tshiji. Waneya wane hkamhiylu Abrão satu altar Tsru Hixikatshriwa Hoyakalu tshinanu rakanhayehitjeru.

Gênesis 12:8

Waneya wane riknohamta hipjitkaka yehi hyamta Betel tshinikowaka tkatshi hichpajyawaka sreta nwaka. Waneya wane rutakapjita nikalumta kamhikolu pji. Betel tshinikowaka tkatshi himxijyawaka sreta Ai tshinikowaka tkatshi hichpajyawaka sreta hanikajite hpanawaxya. Waneya wane altar hkamhiya Tsru Hixikatshriwa Hoyakalu rimalwuxyawaka tshinanu.

Gênesis 13:18

Waneya Abrão yokmakapjitatka, tsru hahmunkaka yehi Mamre tshinkaluru, Hebron poktshistsi tshinikowaka hyatka. Waneya satu altar hkamha Tsru Hixikatshriwa Hoyakalu tshinanu.

Gênesis 22:10

Waneya hyosurukkanotatka Abraão, peixeira hkochtsheka ruylaxyawakaplu hituru.

Gênesis 22:8

Abraão wan-tshinru: — Hoyakalu henekanwu carneiro whene wyoxiklerupa, noturu. Waneya wanna hepi yanamtna.

Gênesis 8:20

Waneya Noé kamhalu satu henekachalu renejikowaka Tsru Hixikatshriwa Hoyakalu; waneya raniklu nikalu nikkaluru, kamejirun-koxa nikkaluru waneya reneklu henekachalu yoxikkaluru henekachalu henejikowaka hohoya.

Mateus 27:2

Rostutluna Jesus, waneya ranikluna Phuru Pilatos renejyawakapluna.

Marcos 15:1

Waneya yetshpotukawa rapatjetna judeu-ne tsrukakalune, tsru hixikatshinwa sacerdote-ne, hiyrun-koxa kasruklewaklerune hinanchitkaluru pirana hasruklewatatshine. Rapatjehchinikanutna ptowruneka judeu chefe-teneyma. Rostutluna Jesus, waneya ranikluna phuru Pilatos renejyawakapluna.

Atos 8:32

Xyekatkani Hoyakalu tokanu yonatkaluru psojite rethakanatanru: “Hatatjewa carneiro hiylawaka hanikkaluru pixka hiyrunu carneiro jiwjitkaluru pixka rixa hike htshina waneko pixka rixanu, hi hyanumatanu.

Gálatas 3:13

Cristo hipnanatka hkochpajyawakwu Moisés yonreru pirana hapnokatlewleya. Hixa kachrijru kamakatkalurni Cristo. Klu tshinanu halikaka tokantshi yonatkaluru wan-tshina: “Kamakatkalurupni katukta hahmuna hixripkakko.”

Efésios 5:2

Xye chinikantshi ptowru wiwejinri htowuta. Hichinikanuwyehkakanu. Hixa hichinikanuwkakleyehixyawaka pixka rixa Cristo, renejyanawa rupniywaka hixa tshinanu renekachaxnatkawa henekachaluru rixnatkawa hatewa phamluhalo phamluro pixka potuko hixatshritkani Hoyakalu hetanuya hiyrun-koxa henekachaluru hiylatkaluru Hoyakalu hikchikhihlenutanru potuko.

Hebreus 9:28

Hiyáhoni wan-rixa Cristo. Pa katapka renejnawa hixolune yine hektunu hkonyawakapa. Hiyrun-koxa hepi kata rixinri runanu ruphujewnayehixyawakapna yine ptowruneka, hkahwakpotutjene hetanuya. Waneklupa hi hektuntshi hkonyawakapa tshinanu runanu seyni riwekkajyawakapna yine tshinanni.

Tiago 2:21

Ha, hi he judeu-ne hitsrukatenni Abraão-ni tshinkalurni mitshi rukchikhihlenutka Hoyakalu hkamrure tshinanu, hiwhene Isaque tshinkaluru altar hoho rutajiniklunu mitshi henekachalu rixyawakamkapa Isaque tshinanu?

1 Pedro 2:24

Cristo, waleko himaneya hahmuna skita hoho ranikhektunutwu. Hipnatshine pixka wixyawakapa hektuntshi tshinanu seyni halikaka wiwekanu kihleru wkamhiywakapa. Wuhletkatka Cristo kotshipjexikolu tshinanuya.