Gênesis 22:3 - Bíblia

³ Waneya wale prika yetshpotukawa ruptekatka Abraão. Hiprane jumento-ne ralpokotatka. Ranikamtna waleyma hepi htowrene hiyrun-koxa hituru Isaque. Rali hitshimletatka hpoyahtapyawaka mukata hjimlewaxinripa hyatka. Abraão yanwakatlu Hoyakalu tshinyawaklu mriji nwaka.

Gênesis 22:3 ပူးပေါင်းရင်းမြစ်များ

Gênesis 17:23

Waneya wale hohneko Abraão haniklu hiwhene Ismael hiyrunu ptowru htowrene walestsi matuxikatshine hiyrunu ptowru yine ranjirene tiyiroya hiyrun-koxa ptowru yineru jeji wanna hanikajite walestsi matuxikatshin-koxa waneya satkaka pejnu hjiprojhaptojita, hanukta htshin-towutletlu Hoyakalu.

Gênesis 21:14

Waneya Abraão yetshpotukawa ruptekatka. Pão hiyrun-koxa honha kastonolu honha hwatshri hkochtsheka, wale reneklo Agar. Xyekaka wala rutjikakatka, mturu reneklo waneya hyokanatlo tyiywakapa. Hiyáhoni tyatka mayinerewakanu, popriwaka Berseba tshinikowaka tyotaljechaxyatka.

Gênesis 22:18

Hiyrun-koxa piklopichane tshinanu kihlewaka ntshinanwakatanna ptowruneruka tshij-hoho hwatshine hihlehchinikanutko klu tshinanu ntokanu pomkahitatka.

Gênesis 22:2

Waneya Hoyakalu wan-tshinru Abraão: — Panikanru piwhene satupkalutu, Isaque, pamotler-potuko. Pyanwakatanru Moriá tshinikowaka tshijne. Waneya wane henekachalu yoxikkaluru pixkakanru pituru npohixyawaka mriji potuko.

Gênesis 22:4

Map-hohne hyaninixka Abraão htunohitatka retlu hipjita runkajyalu howukawalu.

Mateus 10:37

— Katukta hi ramotno hita ruru ho runro pnute, hi rumukata nasrukleru hixleta. Katukta hi hamotno hita hituru ho richitsho pnute hi rumukata nasrukleru hixleta.

Lucas 14:26

— Katukta haluka nasrukleru hixletanu seyni ruru ho runro ho hhanunro ho hiwhenene ho himolene jejine ho himolene suxone ho haté waleko riwekle hmahnanutkanuklunu, hi rumukata nasrukleru hixleta.

Gálatas 1:16

Waneya hituru ruphujewnayehkakno, nunkaklexyawakaplu Cristo pirana judeu mixkaneya, hike yineru hchinikanu nujhatka.

Hebreus 11:8

Kajnaklu mitshi Abraão, Hoyakalu towuxinri pa tshijne nwaka hyiywakapa, pa hohnepa wale tshijne renejikolupa. Ralixle tshinanu, wane hyatka hma metanutu tshijne nwaka.